Përpara lansimit të iPhone 15, një përditësim i madh i softuerit do të arrijë në pajisjet ekzistuese të Apple që nga sot.
iOS 17 sjellë veçori të reja duke përfshirë një modalitet “standby” i cili e kthen pajisjen tuaj në një ekran të mençur, miniaplikacione interaktive për ekranin kryesor dhe mundësinë që të klononi zërin tuaj nëpërmjet inteligjencës artificiale.
Sky News shkruan se ka qenë duke e monitoruar përditësimin që prej kur u shfaq tek testuesit beta në fillim të kësaj vere, dhe tutje ata kanë mbledhur një listë të gjërave kryesore që duhet të dini, përcjell Telegrafi.
Por së pari, si e merrni përditësimin?
Kontrolloni nëse telefoni juaj përputhet me kërkesat
Apple çdo vit e largon të paktën një iPhone nga lista e saj e përditësimeve.
Këtë herë kjo është diçka simbolike, pasi jashtë listës mbetet iPhone X, i cili ishte telefoni i parë nga Apple i cili largoi butonin ikonë kur debutoi në vitin 2017.
Instalojeni përditësimin
Nëse e keni të aktivizuar përditësimin automatik, iOS 17 do të instalohet vetë, teksa ju nuk do keni nevojë të bëni asgjë.
Megjithatë mund të marrë disa ditë kohë, dhe nëse juve nuk u pritet që ajo të instalohet automatikisht, ju mund ta bëni atë vet që nga dita e sotme.
Autokorrekti i famshëm
Një nga njoftimet më të mirëpritura ishte ajo kur Apple në detajet e para të iOS 17 deklaroi se autokorrekti do të përditësohej.
Tastiera e iPhone tani do të mësojë mënyrën se si ju pëlqen të bisedoni, dhe kështu nuk do ta “përmirësojë” asnjë fjalor vulgar të cilin juve mund të ju pëlqen ta përdorni.
Modaliteti “standby”
Për të gjithë juve që flini me iPhone-in e juaj, kjo do të kthehet në diçka si një asistent qendror i shtëpisë.
Kur aktivizohet, duke e hapur telefonin tuaj gjatë karikimit dhe në modalitetin e peizazhit, ekranit do të zgjidhë miniaplikacionet si ora, kalendari, fotot, moti dhe kontrollet e luajtjes së mediave.
Miniaplikacionet interaktive
Apple u shfaq vonë në “festën” e miniaplikacioneve kur më në fund mbërritën në iPhone disa vite më parë, dhe po e ndjek sërish Android këtë herë duke i bërë ato interaktive.
Në thelb do të thotë që mund të keni versione mikro të kufizuara të aplikacioneve që mund t’i përdorni drejtpërdrejt nga ekrani kryesor pa i hapur ato – për shembull, duke shënuar detyrat e ditës nga një listë rikujtuese.
Thirrjet dhe mesazhet
Aplikacioni i telefonit do të prezantojë karta kontakti të personalizuara – të cilat do të shfaqen kur ju pranoni një thirrje – dhe mund t’i shpërndani ato me dikë duke përdorur AirDrop-in duke i afruar pajisjet me njëra-tjetrën.
Mesazhet në anën tjetër do të përshtat një veçori të regjistrimit të ngjashëm me aplikacionet si HomeSafe, kështu që ju mund t’i njoftoni miqtë dhe familjen kur jeni duke dalë dhe ku – duke u dërguar atyre një alarm kur të arrini destinacionin tuaj të planifikuar dhe duke shfaqur informacione kritike si niveli i baterisë dhe fuqia e sinjalit nëse nuk ka përgjigje.
Klonimi i zërit dhe qasshmëria
Klonimi i lartpërmendur i zërit ju lejon të krijoni një version sipas kërkesës së vetes që mund ta keni lexuar me zë të lartë çdo frazë të shtypur.
Është projektuar për njerëzit në rrezik të humbjes së aftësisë për të folur, ose ata që e kanë të vështirë, dhe kështu jeton nën cilësimet e aksesueshmërisë – së bashku me veçori të tjera të reja si personalizimi i shpejtësisë së të folurit të Siri.
Privatësia dhe siguria
Tani mund të ndani fjalëkalimet në zinxhirin e çelësit iCloud me miqtë dhe anëtarët e besuar të familjes, ndërsa shfletuesi i internetit Safari do të fshehë seancat tuaja private pas një bllokimi të njohjes së fytyrës.
Njohja me fotografi
Në një “fitore të madhe” për familjet me shumë kafshë shtëpiake, aplikacioni i fotografive tani mund të njohë dhe bëjë dallimin midis kafshëve.
Dhe nëse dikush ju dërgon një fotografi të një pjate ushqimore të bukur, mund të prekni butonin e informacionit dhe të merrni një përzgjedhje recetash në internet për pjata të ngjashme.
Shëndeti mendor
Shumica e njerëzve ka të ngjarë ta lidhin aplikacionin e shëndetit me gjurmimin e vrapimeve, notave dhe cikleve – por tani do të ofrojë një mënyrë për të gjurmuar gjendjen shpirtërore dhe për të vlerësuar shenjat e ankthit dhe depresionit. /Telegrafi/
Lufta Prigozhin - Putin
Më shumëNga Rubrika
Përdoruesit e iPhone ankohen se nuk po u aktivizohet alarmi, Apple premton se po punon për rregullimin e problemit
Ndaloni telefonat inteligjentë për fëmijët nën 13 vjeç – televiziorin nën 3 vjeç
Haaland u bë një personazh në këtë video loje – ajo u shkarkua mbi dy miliardë herë
Përdoruesit e iPhone ankohen se nuk po u aktivizohet alarmi, Apple premton se po punon për rregullimin e problemit
Ndaloni telefonat inteligjentë për fëmijët nën 13 vjeç - televiziorin nën 3 vjeç
Haaland u bë një personazh në këtë video loje - ajo u shkarkua mbi dy miliardë herë
Samsung me mbushës të ri për telefona, mund të mbushë të njëjtën kohë dy pajisje - ka dy porte USB-C
Tani është e qartë, mësohet se në çfarë Musk dëshiron ta shndërroj platformën X
Elon Musk thotë se “ka një arsye” pse ai zgjodhi datën 8 gusht, si ditën e lansimit të robotaksit Tesla
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit