Interi e do Vidalin me çdo kusht, por nuk dëshiron ta fusë në bisedime për Lautaron

Mediat në Itali dhe Spanjë raportojnë se Interi është aq i vendosur për ta marrë Arturo Vidal nga Barcelona saqë po e ndajnë atë nga bisedimet për Lautaro Martinezin.

Antonio Conte nuk e ka fshehur kurrë dëshirën e tij për t’u ribashkuar me ish-mesfushorin e Juventusit, Vidal, në San Siro, kështu që kiliani u bë natyrshëm zgjedhja e parë kur diskutohej për marrëveshjet e shkëmbimit mes dy klubeve.

Sidoqoftë, Mundo Deportivo dhe Tuttosport pretendojnë se Vidal konsiderohet si shumë i rëndësishëm në objektivat e klubit zikaltër saqë dëshirojnë të mos përfshihet në negociatat për Lautaron.

Lexo po ashtu Barcelona vendos 11 lojtarë në tavolinën e bisedimeve për shkëmbime të mundshme, gjashtë prej tyre i ofrohen Interit për Lautaron

Kontrata e tij do të skadojë në qershor të vitit 2021 dhe ai do të mbush 33 vjet më vonë këtë muaj, kështu që kostoja e operacionit duhet të jetë rreth 10-15 milionë euro.

Barcelona është gjithashtu e vetëdijshme që Vidal është i vendosur të largohet dhe mund të ndjehet e shtyrë në një qoshe, me rrezikun që ta humbasin atë falas verën e ardhshme.

Interi ishte përpjekur të nënshkruante Vidalin vitin e kaluar dhe përsëri në janar, por nuk mundi të arrinte një marrëveshje me klubin e tij. /Telegrafi/