Interi e nis vitin me goleadë ndaj Crotones dhe rrëmben pozitën e parë – Lautaro shkëlqen me het-trik

Interi ka shënuar fitore të thellë ndaj Crotones me rezultat 6-2 në ndeshjen e vlefshme për javën e 15-të në Serie A.

Nerazzurrët kanë nisur vitin 2021 me fitore duke shkuar te fitorja e tetë radhazi në kampionat dhe duke u bërë lider i përkohshëm i kampionatit.

Pjesa e parë e ndeshjes ishte triler i vërtetë nga të dyja skuadrat, të cilët krijuan shumë raste dhe shënuan nga dy gola.

Të parët në epërsi kaluan mysafirët e Crotones, të cilët arritën të shënojnë me anë të Niccolo Zanellato (12’), i cili shënoi me kokë për 0-1.

🙄 | 12' – GOAL AGAINST

Zanellato heads the away side in front…#InterCrotone 0️⃣-1⃣#FORZAINTER ⚫️🔵

— Inter ⭐⭐ (@Inter_en) January 3, 2021

Megjithatë, Interi arriti të kthehet në lojë në minutën e 20-të duke shënuar me anë të Lautaro Martinez për 1-1, ndërsa argjentinasi ishte vendimtar edhe tek goli i minutës së 31-të për 2-1, por ky gol iu shkrua mbrojtësit Luca Marrone.

Kur pritej që ekipet të shkonin në pushim me epërsi të Interit, në skenë doli Arturo Vidal, i cili bëri një penallti të panevojshme në minutën e 36-të dhe kjo i shërbeu mysafirëve të barazojnë rezultatin në 2-2 me anë të Vladimir Golemic.

⏸️ | HALF-TIME

Two goals apiece and we're all square at the break ⚖️#InterCrotone 2⃣-2⃣#FORZAINTER ⚫️🔵 pic.twitter.com/XJ3TlALCB2

— Inter ⭐⭐ (@Inter_en) January 3, 2021

Në pjesën e dytë, Interi rriti nivelin e lojës duke arritur të krijojë shumë raste dhe të shënojë edhe plot katër gola.

Goli i parë në këtë pjesë erdhi në minutën e 57-të dhe ishte Lautaro që shënoi për 3-2, ndërsa Romelu Lukaku (64’) shënoi për 4-2.

Në minutën e 78-të, sulmuesi argjentinas Martinez kompletoi het-trikun duke shënuar për 5-2, ndërsa Achraf Hakimi (88’) vulosi fitoren me rezultat përfundimtar 6-2.

What a start to 2021! 🙌#InterCrotone 6⃣-2⃣#FORZAINTER ⚫️🔵 pic.twitter.com/WZbgsPky7l

— Inter ⭐⭐ (@Inter_en) January 3, 2021

Pas kësaj fitore, Interi ngjitet në pozitën e parë me 36 pikë apo dy më shumë se Milani i dyti me një ndeshje më pak, ndërsa Crotone zë vendin e 19-të me nëntë pikë.

Në ndeshjen e radhës, Nerazzurrët udhëtojnë te Sampdoria, ndërsa Crotone e pret Romën. /Telegrafi/

https://www.youtube.com/watch?v=C1yMV13R9gw

https://www.youtube.com/watch?v=V9RmLbyfhJg

https://www.youtube.com/watch?v=dvVP5_Dg_rE