Interesim i jashtëzakonshëm në ‘Minatori’, palestra e stërmbushur me tifozë dhe Minatorë (Foto/Video)

Gjysmëfinalja e Kupës së Kosovës në basketboll në mes të Trepçës dhe Prishtinës  ka ngjallur interesim të madh te tifozët.

Palestra e qytetit të Mitrovicës, “Minatori” është nikoqirë i Final Fourit të Kupës së Kosovës në basketboll, ku pjesë e tyre janë katër skuadrat më të mëdha nga Kosova, si Prishtina, Peja, Trepça dhe Bashkimi.

Në ndeshjen e parë gjysmëfinale të zhvilluar në mes të Pejës dhe Bashkimit, fitore shënuan pejanët dhe siguruar kualifikimin në finale, teksa interesimi ishte i madh me dy tifozëritë, ‘Shqiponjat’ dhe ‘Arpagjikt’ që ishin prezent, përcjell Telegrafi.

Lexo po ashtu Peja fiton me vështirësi ndaj Bashkimit, prek finalen e Kupës së Kosovës

Megjithatë, ndeshja e dytë në mes të Trepçës dhe Prishtinës ka ngjall interesim edhe më të madh, duke mbushur të gjithë sallën me shikues, ndërsa radha e njerëzve ishte edhe jashtë sallës, të cilët nuk u lejuan të hynë me pretekstin se nuk kishte vend.

Përveç tifozërisë së Trepçës, “Torcidës”, krah skuadrës kanë ardhur t’i dalin edhe Minatorët e minierës së Trepçës, të cilët kishin sjell me vete edhe një transparent që e mbanin në duar. /Telegrafi/