Inflacioni në Britani të Madhe arrin në 10.1 për qind, niveli më i lartë në katër dekada

Rritja e çmimeve të produkteve bazike e ktheu inflacionin në Britani të Madhe në shifra dyshifrore gjatë muajit shtator.

Indeksi i Çmimeve të Konsumit u rrit 10.1 për qind nga 9.9 për qind që ishte një muaj më parë, përcjell Telegrafi.

Sipas Zyrës Kombëtare të Statistikave (ONS), kjo vlerë është me nivelin më të lartë të 40 viteve të fundit, duke tejkaluar pritjet e ekonomistëve për një normë prej 10 për qind.

Rreziku është që çmimet të rriten përsëri në fillim të vitit të ardhshëm. Pas raportit, Paundi u zhvlerësua me 0.3 për qind, pra po tregtohet me 1.1286 dollarë.

NEW:

Rate of inflation back up to 10.1% in September on target Consumer Prices Index measure… 5 times target.

Normally used as basis for uprating rises in pensions under triple lock, and benefits and tax credits, for April, but that is unclear right now. pic.twitter.com/nESDdkHAgI

— Faisal Islam (@faisalislam) October 19, 2022

ONS tha se çmimet e ushqimeve u rritën me 14.8 për qind nga një vit më parë dhe mobiljet e mallrat shtëpiake me 10.7 për qind.

Shenja të rritjes së inflacionit ka pasur edhe në nivelin e shitjes me shumicë. Çmimet e prodhimit, duke matur koston e mallrave që largohen nga fabrikat, u rritën 15.9 për qind nga një vit më parë në shtator. Kjo ishte më e ngadaltë se muaji i kaluar, por pak mbi pritjet. Çmimet e lëndëve të para u rritën me 20 për qind, gjithashtu mbi pritshmëritë.

Leximi i inflacionit gjatë shtatorit tradicionalisht është përdorur për të përmirësuar një rritje vjetore të përfitimeve të mirëqenies. /Bloomberg/Telegrafi/