Iluzioni optik i dy njerëzve të përqafuar po habit përdoruesit e rrjeteve sociale

Iluzionet optike ndonjëherë mund të ju habisin dhe ky i fundit nuk bën përjashtim.

Madje, iluzionet optike, si ngacmuesit e trurit, gjëegjëzat dhe enigmat e tjera, mund t’ju japin një pasqyrë të mënyrës se si funksionon truri juaj.

Truri ynë në fakt po punon pak prapa syve tanë (me qindra milisekonda) – kjo vonesë shkaktohet nga truri që përpiqet të përpunojë atë që është përpara nesh.

Kjo është ajo që i bën iluzionet optike kaq interesante, sepse ato zbulojnë se ndonjëherë ne humbasim detaje të rëndësishme për atë që po shohim, përcjell Telegrafi.

Të postuar për herë të parë në Reddit, përdoruesit e rrjeteve sociale u befasuan nga iluzioni optik më poshtë dhe nuk mund të kuptonin atë që po shihnin.

Imazhi paraqet dy njerëz të përqafuar në një plazh – një skenë në dukje e pafajshme – derisa të përpiqeni të kuptoni atë që po ndodh në tokë me këmbët e tyre.

“Nuk më pëlqen kjo”, shkroi një përdorues.

Pantallonat e shkurtra dyngjyrëshe ngatërrojnë përshtypjen tuaj për këmbët e dy njerëzve, duke e bërë të vështirë të shihni se ku mbaron njëra dhe ku fillon tjetra. /Telegrafi/