Iluzion optik apo një dështim tjetër i ‘photoshopit’ – një detaj në fotografinë e Kim Kardashianit huton fansat

Përdoruesit e rrjeteve sociale mbetën të hutuar nga një fotografi e re e Kim Kardashian në të cilën ylli televiziv duket të ketë dy gishta të mëdhenj dhe nuk ishin të sigurt nëse ishte një iluzion apo një fatkeqësi tjetër e ‘photoshop’-it.

Kardashian ka shpërndarë disa fotografi familjare në Instagram, ku përfshihen katër fëmijët e saj: North (10 vjeçe), Saint (tetë vjeç), Chicago (pesë vjeçe) dhe Psalm (katër vjeçe), shkruan Klix.

Sidoqoftë, në një fotografi të themelueses së markës “Skims” dhe Northit, shumë venë re një detaj të çuditshëm. Pikërisht, Kim dhe vajza e saj kanë pozuar para pemëve të Krishtlindjeve dhe vëmendjen e ka tërhequr detaji në dorën e Kardashianit.

Në fotofrafi, Kim duket se ka dy gishtat e mëdhenj dhe në Reddit ka nisur një diskutim për këtë detaj, ku shumë fansa kanë pyetur veten nëse ishte një tjetër gabim retushimi.

“A është kjo një defekt në Photoshop?”, “Mendova për një sekondë se ajo kishte dy gishta të mëdhenj në njërën dorë”, “Ku e ka dorën tjetër?”, shkruan disa.

Të tjerë pretenduan se ishte thjesht një iluzion optik: “Kim përdor të dy duart për të mbajtur dorën e Northit. Kjo është arsyeja pse ju shihni dy gishtat e mëdhenj”.

View this post on Instagram

A post shared by Kim Kardashian (@kimkardashian)

Familja Kardashian njihet për festën e tyre të përvitshme në natën e Krishtlindjeve dhe fotot nga kjo ngjarje shpërndahen tradicionalisht në rrjetet sociale.

Të dielën mbrëma, Kim organizoi një festë në rezidencën e saj në Los Angeles, duke e kthyer shtëpinë e saj në një fshat alpin me borë kudo dhe pemë gjigante të Krishtlindjeve në derën e përparme. /Telegrafi/