Kandidati i Lëvizjes Vetëvendosje për asamblist në Skenderaj, Ilir Seferi, ka shpalosur pikat kryesore të programit të tij dhe arsyet pse qytetarët duhet ta mbështesin atë dhe kandidatin për kryetar, Hysni Mehanin.
Në një postim publik, Seferi tha se bashkë me ekipin e tij synojnë të sjellin ndryshimin që Skenderaj ka kohë që e pret.
Ai përmendi nëntë prioritete të programit:
Diga e Kuqicës – projekt strategjik për ujë dhe energji.
Zhvillimi i zanateve dhe pagesë mujore për nxënësit nga mosha 16-vjeçare.
Bursa për gjimnazistët, për të motivuar të rinjtë të studiojnë e të qëndrojnë në vendlindje.
Trajtim modern i mbetjeve.
Përdorimi i përvojës gjermane në shërbim të komunës.
“Skenderaj First” – përpunimi i produkteve vendore në Skenderaj.
Infrastrukturë moderne, përfshirë ngrohtoren qendrore dhe parkun inovativ.
Reformë në qeverisje – ulja e drejtorive nga 13 në 9, për më shumë efikasitet dhe transparencë.
Përkujdesje për prindërit, veçanërisht ata me fëmijë jashtë vendit.
“Bashkë, me përvojë, vizion dhe punë konkrete, ne e ndryshojmë Skenderajn”, ka theksuar Seferi.
