Identifikohet trupi i Kobe Bryant dhe tre personave tjerë

Pas ngjarjes tragjike, ku humbi jetën legjenda e basketbollit amerikan, Kobe Bryant, vajza e tij 13-vjeçare Gianna dhe shtatë persona të tjerë, autoritetet e shtetit amerikan vijuan punën për nxjerrjen e trupave të pajetë, ku deri më tani janë identifikuar trupat e katër personave.

Pas tre ditëve nga ngjarja që shokoi botën, ekspertët kanë arritur të identifikojnë trupin e Bryant në rrënoja e helikopterit.

Hetuesit deri më tani kanë përdorur gjurmët e gishtërinjve për të identifikuar 41-vjeçarin Bryant, pilotin 50-vjeçar të helikopterit Ara Zobayan, një burrë tjetër me emrin John Altobelli, 56 vjeç dhe një grua të quajtur Sarah Chester, 45 vjeç.

Lexo po ashtu Publikohet video e re e aksidentit të Kobe Bryant - eksperti i aviacionit, Ditchey: Aksidenti ishte i shmangshëm

Mbetjet e nëntë personave janë gjetur në vendngjarje, por kufomat e pesë tjerëve, përfshirë vajzën 13-vjeçare të Bryant, Gianna, ende nuk janë identifikuar.

Ky fakt është bërë i ditur nga mjeku ligjor i cili ndodhet në vendngjarje në tentim të identifikimit të gjithë kufomave.

“Hetuesit janë duke punuar ende për identifikimin e pesë trupave të tjerë”, ka thënë mjeku ligjor nga vendi i ngarjes.

Lexo po ashtu Fjalimi emocionues dhe zemërthyer i Shaquille O'Neal për Kobe Bryant: Unë kurrë nuk kam ndjerë dhimbje të tillë

Ndryshe, viktimat e tjera, të emërtuara tashmë nga familja dhe miqtë, janë gruaja e Altobellit, Keri Altobelli, 46 vjeç, dhe vajza e tyre, Alyssa, 13; Trajneri i basketbollit të Akba Sporteve Mamba, Christina Mauser, 38 vjeç, nënë e martuar e tre fëmijëve; dhe vajza e Chester, Payton, 13.

Ndryshe, Bryant, një kampion i pesëfishtë në NBA, i cili luajti për LA Lakers gjatë karrierës së tij 20-vjeçare, konsiderohet gjerësisht si ndër lojtarët më të mëdhenj në historinë e basketbollit. /Telegrafi/