Identifikohen dyshet sulmuese më të mira në top pesë ligat evropiane

Ndër vite ka pasur shumë dyshe dinamike në futboll që janë dukur telepatike në aspektin e shënimit të golave.

Samuel Eto’o njëherë i tha Michael Robinson se Ronaldinho i kishte thënë atij kur ishte inkuadruar në pjesën e dytë në Camp Nou se “vetëm të vraposh dhe topi do të vijë tek ti”.

Kompania e të dhënave të futbollit Driblab ka mbledhur të dhëna në lidhje me dyshen sulmuese gjatë tre viteve të fundit në pesë ligat kryesore evropiane për të parë se cili ka qenë dyshja më e mirë në Evropë.

Duke përdorur të dhëna nga sezonet 2018/19, 2019/20 dhe 2020/21, ka dy çifte që janë kombinuar shumë më tepër se të tjerët.

Robert Lewandowski dhe Thomas Muller kanë arritur një kombinim për 14 gola në tre sezonet e fundit, nga të cilat tetë erdhën në edicionin e fundit, kur gjermani ka asistuar për polakun.

Dyshja e dytë vjen nga Ligue 1, me Angel Di Maria që siguroi 13 asistime për Kylian Mbappen.

Tjetra është çifti sulmues i Tottenham Hotspurit, Son Heung-min dhe Harry Kane, me të dy lojtarët që asistojnë njëri-tjetrin 10 herë, gjithsej 20 gola mes tyre.

Joshua Kimmich gjithashtu ka siguruar 10 asistime për Lewandowskin, një statistikë që barazohet nga Mbappe duke ndihmuar Neymarin gjatë tre sezoneve të fundit.

Partneritetet e ekipit spanjoll janë në radhë , me një total prej nëntë golash të shënuar: Luka Modric ka asistuar te Karim Benzema në nëntë raste ndërsa Lionel Messi dhe ish-shoku i skuadrës te Barcelona, Luis Suarez gjithashtu kanë kombinuar në nëntë gola për njëri-tjetrin.

Më poshtë, ka dy partneritete nga Liga Premier: Kevin De Bruyne ka siguruar tetë gola për Raheem Sterlingun, ndërsa Dwight McNeil ka ndihmuar Chris Woodin, të njëjtin numër golash për Burnley.

Dyshet sulmuese që kanë asistuar në shtatë gola janë Papu Gomez për Duvan Zapata dhe Ciro Immobile për Joaquin Correan.

Kombinimet më të mira në 2020/2021

Këtu janë statistikat për partneritetet më të mira nëse shikojmë vetëm sezonin 2020/21:

Asistimi nga Junior Bamba dhe goli i shënuar nga Andy Delort (Montpellier) – 4

Asistimi nga Lucas Ocampos dhe goli i shënuar nga Youssef En-Nesyri (Sevilla) – 4

Asistimi nga Dries Mertens dhe goli i shënuar nga Hirving Lozano (Napoli) – 4

Asistimi nga Jadon Sancho dhe goli i shënuar nga Erling Haaland (Dortmund) – 5

Asistimi nga Son Heung-min dhe goli i shënuar nga Harry Kane (Tottenham) – 8. /Telegrafi/