Icardi iu përgjigjet tifozëve: Nëse nuk na doni tani, mos na doni kur të fitojmë

Interi nuk është duke kaluar nëpër një moment të mirë në Serie A.

Skuadra e famshme italiane nuk ka fituar në tri ndeshjet e fundit, duke barazuar ndaj Sassuolos dhe duke pësuar dy humbje radhazi ndaj Torinos dhe Bolognas me rezultat identik 1-0.

Humbja ndaj Bolognas i ka irrituar tifozët zi kaltër të cilët i kanë fishkëllyer futbollistët në përfundim të ndeshjes.

Por në mbrojtje të lojtarëve të tij ka dalë kapiteni i klubit Mauro Icardi.

Nëpërmjet një postimi në rrjetin social Instagram, Icardi ka postuar një foto së bashku me lojtarët tjerë duke iu përgjigjur tifozëve.

“Nëse nuk na doni kur humbasim, mos na doni kur të fitojmë”, ishte shkrimi i Icardit në Instagram.

Por kapiteni zi kaltër duket se ka menduar më herët se tifozët mund ta ofendojnë atë në llogarinë e tij.

Kësisoj në këtë foto nuk mund të komentojnë ata përdorues të Instagramit të cilët nuk ndiqen nga Icardi.

Interi nuk do të këtë punë të lehtë edhe në javën e 23-të të Serie A pasi do të luaj në udhëtim te Parma, skuadër e rikthyer në Serie A që e kishte mposhtur Interin në Giuzzeppe Meazza 0-1. /Telegrafi/

View this post on Instagram

Accetta volentieri le difficoltà e gli ostacoli come passi importanti sulla scala del successo. ? #ForzaInter ⚫️? #team #MI9 ? #amala . Se non la ami quando perde, non amarla quando vince. ⚫️?

A post shared by Mauro Icardi – MI9 (@mauroicardi) on Feb 3, 2019 at 2:52pm PST