Ibrahimi: Hapja e kanalit të ri 24 orësh në gjuhën shqipe, fitore e madhe për shqiptarët

Zëvendësdrejtori i Radio Televizionit të Maqedonisë, Harun Ibrahimi, ka përshëndetur marrëveshjen e djeshme e cila mundëson për herë të parë në histori një kanal televiziv në gjuhën shqipe i cili do të punon njëzet e katër orë, transmeton Telegrafi Maqedoni.

‘Është një e arritur e madhe në fushën e mediave dhe mund të llogaritet si një fitore më e madhe historike që ju ka ndodhur ndonjëherë shqiptarëve dhe mediave në gjuhën shqipe në Maqedoni. Sepse në mënyrë të veçantë po realizohen aspiratat e të gjitha gjeneratave që kanë punuar në Radio Televizionin e Maqedonisë duke nisur nga anëtarët e parë që e kanë themeluar këtë radio-televizion, 24 orë program në televizion dhe në radiot do të thotë se u realizuan aspiratat e të gjithë shqiptarëve në Maqedoni që të kenë servisin publik shtetëror për 24 orë’, ka deklaruar Ibrahimi për Zhurnal.

Ibrahimi mes tjerash thotë se me hapjen e këtij kanali do të zgjerohet për 30 përqind hapësira programore në radio dhe televizionin e Maqedonisë. /Telegrafi/