Higuain: Po e shijoj Juventusin, karrierën dua ta përfundoj te River Plate

Gonzalo Higuain është duke shijuar kohën te Juventusin, por ka thënë se ai do të dëshironte të mbaronte karrierën e tij atje ku filloi, te River Plate.

Reprezentuesi i Argjentinës u kthye në Torino pas huazimeve te Milani dhe Chelsea.

Higuain ishte vendosur në treg nga Juventusi, por përfundoi si zgjedhje e parë në qendër të sulmit, ndërsa së fundmi ka folur për kohën që po kalon dhe të ardhmen.

Lexo po ashtu Higuain tregon se si mbeti te Juve dhe arsyen pse zgjodhi numrin 21 në fanellë

“Unë nuk mbyll dyer, e ardhmja është e pasigurt. Kam dy vjet në kontratën time këtu dhe pastaj do të shohim”,  ka thënë fillimisht El Pipita për Fox Sports Argjentina. kur u pyet nëse do të kthehej në River Plate.

“Mbetem shumë i dashur për Riverin, ekipin dhe tifozët. Unë i shikoj ndeshjet e tyre dhe jam i lumtur kur gjërat shkojnë mirë për ta”.

“Për të qenë i sinqertë, nuk e di se çfarë do të ndodhë. Për momentin, unë dua të vazhdoj të shijoj Juventusin”, përfundoi Higuain.

31-vjeçari doli përmes akademisë së River Plate dhe luajti aty derisa u transferua në Real Madrid në janar të 2007. /Telegrafi/