Heroic dhe Outsiders janë dy finalistët e turneut më të madh të CS:GO IEM Rio Major në Brazil

Ka ardhur momenti i finales në turneun më të madh të CS:GO i cili po mbahet në qytetin Rio de Janeiro të Brazilit.

IEM Rio Major apo më mirë të themi turnetë Major, janë shumë të rëndësishëm në video-lojën e CS:GO, ngjashëm me ligën e kampionëve në futboll, skuadrat garojnë për një grup çmimesh që kalon vlerën 1.2 milion dollarë.

Turneu në të cilin garojnë skuadrat më të mira të botës në CS:GO është afër përfundimit, tani në finalen e madhe do të përballen ekipin Heroic me renditje në vendin e dhjetë në ranglistën botërore dhe Outsiders të cilët renditen në vendin e gjashtë.

Outsiders siguruan finalen pas fitores ndaj ekipit MOUZ në ndeshjen e gjysmëfinales me rezultat të përgjithshëm 2-1 me mapa.

Ndërsa ekipi Heroic pas një rikthimi fantastik ndaj ekipit vendas FURIA, ka fituar me rezultat 2-1 me mapa, për të siguruar finalen.

Finalja e madhe ndërmjet Heroic dhe Outsiders do të zhvillohet sot (e diel) duke filluar nga ora 19:00 në formatin ‘Bo3’, fituesi i kësaj finale do të fitoj çmimin prej 500.000 dollarësh.

Gjatë kësaj ndeshje finale nuk do të mungoj as atmosfera fantastike nga shikuesit në sallën Jeunesse Arena.

Ndeshjen mund ta ndiqni në kanalin zyrtar të ESL në platformën Twitch. /Telegrafi/