Henry bën analizë të detajuar për Darwin Nunez, analiza e tij i ka bërë njerëzit të mendojnë

Thierry Henry, njëri nga sulmuesit më të mëdhenj në historinë e Ligës Premier, ka analizuar sulmuesin e Liverpoolit, Darwin Nunez dhe fillimin e tij në ligën më të mirë të Anglisë.

Ish-sulmuesi i Arsenalit iu bashkua Jamie Carragher dhe Micah Richards në detyrë kur ai ofro analizat e tij për një sërë temash gjatë mbulimit të së martës mbrëma të Ligës së Kampionëve, përfshirë atë të shumëpërfolur për Nunez.

Sulmuesi uruguaian, i cili ka shënuar shtatë gola në të gjitha garat për Liverpoolin këtë sezon, ka flirtuar mes magjepsjes dhe mediokritetit me fanellën e Reds.

Por, çfarë mendon Henry për ish-lojtarin e Benfica-s? Carragher ishte i interesuar të dëgjonte se çfarë kishte për të thënë francezi dhe kjo është e shkëlqyer.

The best striker in PL history Thierry Henry, giving his views on Darwin Nunez! #ChampionsLeague @CBSSportsGolazo

pic.twitter.com/BQ3mb8vq8I

— Jamie Carragher (@Carra23) November 1, 2022

Henry beson se Nunez do të ishte më “i ftohtë përpara portës” nëse mendësia e tij do të ishte ndryshe.

“Mendoj se ai ka nevojë për besim, dhe besimi për të cilin po flas është kur je në një klub dhe ndihesh sikur do të luash javë pas javë, je pak më i ftohtë para portës”, ka thënë fillimisht Henry për CBS.

“Për shkak se ai dëshiron të kënaqë aq shumë dhe të bëjë aq shumë dhe dëshiron të mahnitë tifozët e Liverpoolit, ndonjëherë nxitohet. Ai e merr topin dhe e nxiton atë në vend që të kontrollojë, të kthehet në këmbën e tij të djathtë dhe të përfundojë pastër”.

“Unë e kalova këtë. Kur arrin si një nënshkrim i madh, thjesht e tepron ndonjëherë. Të vish si pasues i Sadio Mane, nuk është e lehtë për ta bërë këtë dhe thjesht e tepron në vend që të jesh i qetë, i ftohtë dhe të përfundosh aksionet”.

😁 pic.twitter.com/j5KkYNxoF3

— Liverpool FC (@LFC) November 1, 2022

“Ai është tipi i djaloshit ku kur ta bëjë këtë, atëherë gjërat do të vijnë. Nuk mendoj se ai është një përfundues si Robbie Fowler, pasi jo shumë njerëz janë përfundues si Robbie Fowler”.

“Ai është pak më ndryshe. Ndonjëherë ai do të nxitojë paksa si Alexis Sanchez ose sikurse Luis Suarez i ri”, përfundoi francezi.

Ndryshe, Nunez ishte në listën e golave ​​për Liverpoolin të martën mbrëma, teksa ata fituan 2-0 kundër liderit të Serie A, Napoli. /Telegrafi/