I hedhin sytjena në koncert, reagon The Weeknd: Do më bëni telashe me të dashurën

Reperi The Weeknd shmangi disa probleme që mund të kishte me të dashurën, Bella Hadid.

Të martën në mbrëmje, ndërsa interpretonte këngën “The Hills” në një koncert në Toronto të Kanadasë, një tifoze hodhi sytjena në skenë, ndërsa Bella Hadid shikonte.

Ylli 28-vjeçar mori të brendshmet e femrës dhe u tha tifozëve: “Do të më futni në telashe këtu djema”, dhe pastaj menjëherë i hodhi përsëri në turmë.

Në fund të koncertit, ai i njoftoi fansat e tij se ka nisur punën në studio për albumin e tij të gjashtë, shkruan DailyMail, transmeton Telegrafi.

“Dua që ju të jeni të parët që dini se jam duke punuar në albumin tim të ri tani”, ka thënë ai.

Koncerti i The Weeknd ishte pjesë e fillimit të HXOUSE, një hapësirë e konceptuar dhe e dizajnuar për të ndihmuar artistët dhe sipërmarrësit kanadezë për t’u mentoruar dhe ndihmuar kur përpiqen t’i kthejnë idetë e tyre në realitet.

Marrëdhënia e tij me Bella Hadidin ndërkohë ka kaluar në një nivel tjetër, pasi flitet se çifti janë zhvendosur në një apartament të ri në New York për të bashkëjetuar. /Telegrafi/