Hearn zbulon shumën e majme për të cilën Joshua do e lejonte përballjen e unifikuar mes Furyt dhe Usyk

Sipas Eddie Hearn, Anthony Joshua kërkon minimum 40 milionë funte për të lejuar Tyson Fury të luftojë Oleksandr Usyk në një përballje për titullin e kampionit të unifikuar.

AJ u mposht nga ukrainasi, pavarësisht se ishte favorit për të fituar duelin.

Në intervistën e tij pas meçit, ai dukej i bindur se do të përdorte klauzolën e tij të rimeçit dhe do të hakmerrej në vitin 2022.

Lexo po ashtu Tyson Fury poston një video nga seanca stërvitore dhe është njëra ndër më brutalet

Megjithatë, tani duket se Joshua ka ndryshuar mendim dhe është i gatshëm të tërhiqet nga lufta për shumën e majme parash.

Që nga fitorja e tij e jashtëzakonshme kundër Deontay Wilder në tetor, Fury ka treguar pak interes për të luftuar sfiduesin e tij të detyrueshëm në WBC, Dillian Whyte. Në vend të kësaj, ai dëshiron të mundë fillimisht Usyk dhe më pas të mbrojë rripat e tij kundër Joshuas në një superluftë gjithë-britanike.

“Nëse Joshua hyn përsëri dhe humbet, gjë që unë mendoj se do ta bëjë, kjo luftë është e vdekur për mua. Por, nëse ai më lejon të luftoj me Usyk dhe unë të mposht Usyk, atëherë do të kthehesha dhe do të përballesha me të”, deklaroi Fury.

Lexo po ashtu Tyson Fury – Oleksandr Usyk: Anthony Joshua është i gatshëm të heq dorë nga rimeçi për vetëm një kusht

Usyk gjithashtu e pëlqen të përballet me Furyn më pas dhe Hearn beson se është e mundur nëse Joshuas i paguhet një tarifë astronomike.

“Shtatë shifra? Një milion? Nëse doni ta bëni atë të mos luftojë me Oleksandr Usyk, duhet ta tejkaloni atë deri në 40 milionë”, potencoi promovuesi gjatë një interviste për Boxing King Media.

Lexo po ashtu Dillian Whyte - Tyson Fury: Përballja e zjarrtë nuk zhvillohet për shkak të rastit të hapur ligjor në WBC

“Në të vërtetë, negociatat mes Joshuas dhe skuadrës së Usyk janë duke vazhduar dhe ekziston një mundësi serioze që mund të kemi një kampion të padiskutueshëm botëror në peshat e rënda në vitin 2022”.

“Për momentin ka komunikim mes dy kampeve për të thënë nëse është diçka… dhe përgjigja është se me AJ nuk është folur ende për këtë. Nëse ka një rrugë dhe një ofertë dhe ka kuptim, atëherë do të shohim, por tani për tani, janë thjesht biseda midis kampeve”, ka shtuar më tej ai. /Telegrafi/