LAJMI I FUNDIT:

Haradinaj: Komuniteti egjiptian pjesë e të gjitha proceseve shtetndërtuese të Kosovës

Haradinaj: Komuniteti egjiptian pjesë e të gjitha proceseve shtetndërtuese të Kosovës

Kryeministri Ramush Haradinaj, priti në takim përfaqësues të komunitetit egjiptian, të kryesuar nga deputeti i Kuvendit të Kosovës, Veton Berisha, si dhe përfaqësues nga shteti Egjiptian, të kryesuar nga Zahi Hawass, ish-ministër i Shtetit për çështje të antikiteteve, ambasador i OKB-së për trashëgimi globale.

Në këtë takim, kryeministri Haradinaj përgëzoi komunitetit egjiptian në Kosovë për ditën e tyre dhe tha se Kosova respekton diversitetin kulturor, etnik, fetar, dhe këtë e konsideron pasuri të vetën të veçantë.

Haradinaj tha se ky komunitet ka qenë i përkushtuar që nga paslufta për ndërtimin e  institucioneve të Kosovës, si dhe pjesë e të gjitha proceseve shtetndërtuese.

“Këto janë dëshmia më e mirë dhe më e fuqishme se sa e drejtë dhe sa e justifikueshme është baza e vlerës multietnike, e cila po ndërtohet në Kosovë”, tha kryeministri Haradinaj, duke falënderuar për kontributin e tyre në luftën çlirimtare të Kosovës.

Kryeministri Haradinaj tha se Qeveria e Kosovës do të vazhdojë të mbështesë komunitetin egjiptian në Kosovë, nevojat kulturore të këtij komuniteti, ato arsimore, identitare, por para së gjithash do të bëjë përpjekje maksimale që të punojë në zhvillimin ekonomik dhe të sigurojë që përmes zhvillimit ekonomik të ketë sa më shumë të punësuar nga radhët e komunitetit egjiptian.

Haradinaj tha se është nder që sot prezent është edhe profesori i nderuar nga Egjipti, Zahi Hawass, i cili është një vlerë e civilizimit dhe i cili vlerat që janë për gjithë globin, trashëgiminë mijëravjeçare, po i nxjerr në dritën e sotme dhe po i shpërndanë për të gjithë.

“Ju siguroj se atë pak që do ta bëjmë së bashku për vendin, po e bëjmë me dinjitet dhe që ju të ndiheni vërtet të respektuar. Dëshira ime është që në Kosovë të ndihemi vërtet më dinjitetin e merituar”, tha kryeministri Haradinaj, duke falënderuar këtë komunitet në angazhimin për zhvillimin e Kosovës për të ecur përpara.

Në fund të ceremonisë, përfaqësuesit e komunitetit egjiptian, në shenjë mirënjohje për kontributin e dhënë nga kryeministri Haradinaj për këtë komunitet, i dhuruan mirënjohje. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori