Hapja e Notre-Dame, Haradinaj: Krenar që edhe Kosova ndihmoi në rindërtimin e Katedrales

Kandidati për kryeministër Ramush Haradinaj, ka uruar popullin dhe institucionet franceze për rihapjen e monumentit 850-vjeçar, Katedralen Notre-Dame në Paris.

Haradinaj ka thënë se është krenar që edhe Kosova ka kontribu krah vendeve të botës për rindërtimin e këtij monumenti.

“Sot, një nga simbolet më të mëdha të kulturës franceze dhe botës, Katedralja Notre-Dame në Paris po hap sërish dyert e saj pas një rindërtimi të madh. Me 18 maj 2018, në cilësinë e Kryeministrit të Republikës së Kosovës dhe gjithë qytetarëve te vendit u bashkuam me përpjekjet e popullit francez dhe vendeve mike për rindërtimin e saj me një donacion prej 20.000 euro.

Një shumë simbolike e që hasi edhe në shumë kritika shkurt-pamëse të kohës por që sot të gjithëve na bën të jemi krenarë që edhe ne si Kosovë jemi pjesë e familjes së kombeve të lira dhe të qytetëruara që mbeshtet dhe mbron vlerat e kulturës dhe trashëgimisë universale”, ka thënë Haradinaj.

Haradinaj ka uruar popullin dhe institucionet franceze për rihapjen e Katedrales Notre-Dame.

“Sot, bashkë me popullin francez, urojmë dhe festojmë rilindjen e një monumenti të pazëvendësueshëm 850-vjeçarë të qytetërimit, Katedralen Notre-Dame në Paris”, është shprehur Haradinaj. /Telegrafi/