Haaland dëshiron të nënshkruajë për Barcelonën, këto janë detajet që e bëjnë klubin të besojnë

Erling Haaland është ylli i këtij afati kalimtar që po vije dhe Barcelona e ka gjithnjë e më të qartë se ai mund të ndryshojë situatën në skuadër.

Klubi ka pasur kontakte me lojtarin dhe rrethin e tij, ku tashmë e kanë të qartë se norvegjezi dëshiron të vishet blaugrana nga vera e ardhshme .

Haaland është joshur nga loja e Barcelonës, nga projekti i klubit, i cili është i përkushtuar ndaj një skuadre të re, me të ardhme dhe shumë konkurruese. Lojtari joshet edhe nga mundësia që të stërvitet nga Xavi Hernandez.

Me të gjitha këto, te Barça besojnë se janë favoritët e mëdhenj për të nënshkruar me norvegjezin.

Ata tashmë kanë një plan që të mund të ndërmarrin për të marr nënshkrimin e lojtarit, i cili do të ketë kontratë për shumë vite dhe llogaritet të kushtojë 250 milionë euro.

Lexo po ashtu Te Barcelona të nervozuar se si po dalin informatat në media - sidomos për rastin e Haalandit

Në këtë çmim përfshihet transferimi, komisionet që Barça kërkon t’i mbajë në minimum dhe paga e lojtarit.

Për të siguruar shifrat e lartpërmendura, Barcelona tashmë ka disa operacione që është duke i studiuar. Njëra është ajo e CVC (marrëveshja e re për klube), e cila mund të mbyllet në javët në vijim. Një tjetër është shitja e 49 për qind të Barça Studios, ku klubi ka një ofertë prej 350 milionë eurosh.

Manchester City është rivali më i madh për nënshkrimin e Haaland, pasi dihet tashmë që Real Madridi do të koncentrohet për të nënshkruar me Kylian Mbappen. /Telegrafi/