Kryeministri në detyrë i Kosovës, Albin Kurti, ka nisur një sulm të ashpër ndaj drejtorit në detyrë të shërbimit sekret kombëtar të Donald Trump, duke e akuzuar atë për ndërhyrje në politikën e vendit.
Kështu shkruan mediumi prestigjioz britanik, The Guardian, sipas të cilit Kurti e ka akuzuar Grenellin edhe për ndihmën në rrëzimin e ish-qeverisë së tij me qëllimin për të arritur një fitore të shpejtë diplomatike për presidentin Trump.
Siç kujton The Gurdian, përcjell Telegrafi, Kurti po qëndron si kryeministër në detyrë pasi partnerët e tij të koalicionit u kthyen kundër tij në një votim parlamentar muajin e kaluar që u inkurajua nga diplomatët amerikanë.
Kjo sipas mediumit britanik u prit me mosbesim midis shumë kosovarëve, të cilët dëshironin që qeveria të përqendrohej në luftimin e coronavirusit.
“Kurti pranoi se kriza kishte një dimension lokal, por akuzoi Richard Grenell, i cili është duke punuar në një marrëveshje të mundshme që Serbia të njohë Kosovën, se ishte ‘përfshirë direkt’ në nxitjen e votës së mosbesimit”, shkruan The Guardian.
Mediumi britanik citon gjithashtu një deklaratë të Albin Kurtit të dhënë gjatë një konference për shtyp të mbajtur përmes një lidhje-video nga Prishtina, në të cilën ka thënë se “Qeveria ime nuk u rrëzua për asgjë tjetër, por thjesht sepse Ambasadori Grenell ishte me nxitim për të nënshkruar një marrëveshje me Serbinë”.
Një besnik i Trumpit, siç e quan mediumi britanik ambasadorin Grenell, është ambasadori amerikan në Gjermani dhe gjithashtu u emërua kohët e fundit si drejtor në detyrë për inteligjencën kombëtare, duke koordinuar punën e 17 agjencive të inteligjencës amerikane.
Dhe The Guardian vë në pah se ai më parë shkaktoi polemikë në Berlin duke thënë se dëshironte të “fuqizonte” forcat e djathta në Evropë.
“Ajo që atij [Grenell] i duhet është një marrëveshje e shpejtë për të treguar se ata mund të rregullojnë krizat në botë, ndoshta në kontrast me Clintonin, Bushin dhe Obaman, pa ndonjë ndërhyrje ushtarake, dhe kjo mund të paraqitet si një sukses në këtë vit zgjedhor”, citohet të ketë thënë Kurti.
Ai gjithashtu, thuhet më tej, akuzoi Grenellin se nuk ishte i interesuar për përmbajtjen e çfarëdo marrëveshje dhe se ishte përqendruar vetëm në marrjen e “nënshkrimit në fund të letrës” sa më shpejt të jetë e mundur.
The Guardian vlerëson se pas dështimit të Trump për të bërë përparim në një marrëveshje me Korenë e Veriut ose në Lindjen e Mesme, është e mundur që Shtëpia e Bardhë tani e sheh Ballkanin si basti më i mirë për një përparim diplomatik, por që “koha po mbaron para zgjedhjeve të nëntorit”.
“Beogradi nuk pranon të njohë pavarësinë e Kosovës. Një marrëveshje do të hapte rrugën që Kosova të zërë një vend në OKB dhe që të dy vendet të bëhen anëtare të BE-së në të ardhmen. Aspekti më i diskutueshëm i diskutimeve ka qenë biseda për një shkëmbim të mundshëm të territoreve. Bisedimet paralele midis dy vendeve janë zhvilluar nën kujdesin e BE-së”, shkruan më tej The Guardian.
Mediumi britanik në fund shkruan se presidenti i Kosovës, Hashim Thaçi, është dëshmuar më i pritshëm sesa Kurti për parakalimet e SHBA-së, dhe të dielën Grenell shkroi në Twitter se kishte folur me Thaçin dhe presidentin e Serbisë, Aleksandar Vuçiq, “për të bërë të qartë se ata duhet të fillojnë të ndërtojnë besim sot në përgatitje” për dialog.
Ai mohoi që ai ose dikush tjetër në diskutime kishin përmendur një shkëmbim të territoreve.
Gjithashtu, kujton se Thaçi ka shkruar në Twitter të dielën se do të formojë një qeveri të re këtë javë, megjithëse është e paqartë nëse ai mund ta bëjë këtë me kushtetutë pa zgjedhje të reja.
Kriza e Covid-19 duket se do të bënte zgjedhjet dhe çdo protestë madhore kundër situatës, tani për tani të pamundur. /Telegrafi/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Rashiq për stërvitjet ushtarake serbe: Duan vetëm t’i tregojnë muskujt
Çitaku: Rezultati i zgjedhjeve të përgjithshme do të jetë befasues
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre