Gruas meksikane i transplantohet veshi me teknologji të printuar 3D

Një grua 20-vjeçare është bërë personi i parë që iu është nënshtruar një transplanti të suksesshëm të veshit me teknologji të printuar 3D.

Sipas medieve të huaja, përcjell Telegrafi, pacientja, e njohur vetëm si Alexa nga Meksika, është lindur me mikrotia, një defekt i rrallë në lindje që bën që pjesa e jashtme e veshit të jetë e vogël dhe e paformuar dhe gjithashtu mund të ndikojë në dëgjim.

Arturo Bonilla, një kirurg pediatrik rindërtues i veshit në San Antonio, kreu operacionin e implantit tek gruaja duke hequr gjysmën e një grami kërc nga mbetjet e veshit të saj me mikroti dhe më pas e dërgoi atë në 3DBio Therapeutics në Long Island City, Queens, së bashku me një skanim 3D të veshit të saj normal.

Në objekt, kondrocitet e Alexa-s, të cilat janë qeliza përgjegjës për formimin e kërcit, u izoluan nga kampioni i indeve dhe u rritën në një grumbull të veçantë lëndësh ushqyese, duke i kthyer ato në miliarda qeliza.

Këto u futën në një bio-printer të specializuar 3D me një shiringë dhe e kthyen në një formë të vogël të zgjatur që ishte një kopje pasqyre e veshit të shëndetshëm të pacientes.

I gjithë procesi i printimit zgjati më pak se 10 minuta.

Forma e printuar e veshit u dërgua më pas në ruajtje të ftohtë te Dr Bonilla dhe ai më pas e implantoi veshin nën lëkurë pikërisht mbi nofullën e Alexa-s. /Telegrafi/