Një grua mësoi se bashkëshorti i saj me të cilin u martua dhjetë muaj më parë në fakt është femër, pavarësisht se dyshja kanë pasur marrëdhënie intime disa herë.
Gruaja nga Indonezia e emëruar vetëm si NA, 22-vjeçe, ka paditur ish-partnerin i cili pretendon se është neurolog i diplomuar në New York, transmeton Telegrafi.
Çifti ishin takuar përmes aplikacionit për njohje, ku “bashkëshorti” i saj ishte prezantuar si Ahnaf Arrafif në qytetin Jambi.
E pasi që filluan të bisedojnë online, vendosën të takohen sy me sy dhe Ahnaf i qëndroi pranë NA-së për javë të tëra, duke u kujdesur për prindërit e saj të sëmurë.
Ai i propozoi vetëm disa javë pasi filluan lidhjen, kurse prindërit e NA-s ua dhanë bekimin për këtë veprim.
Por katër muaj pas martesës së tyre, familja e saj filloi të dyshojë në bashkëshortin e ri të NA-së.
Ahnaf kurrë nuk e kishte prezantuar familjen e “tij”, dhe dukej i qetë kur pretendonte se është mjek i kualifikuar.
Të ëmës së NA-së i kishte lindur dyshimi, kur Ahnaf kurrë nuk ndërronte rrobat e “tij” dhe nuk qëndronte i zhveshur nga beli e sipër, edhe kur nuk kishte të huaj në shtëpi.
Kur gruaja e pyeti për gungat në gjok, Ahnaf i tha se ka një problem hormonal.
Kur e ëma e NA-së këmbënguli që ai të zhvishet për të hequr të gjitha dilemat, doli se ishte një femër me emrin Erayani që kishte gënjyer për gjithçka përfshirë punën si mjek.
NA tha në gjykatën e Jambi se kurrë nuk kishte dyshuar se personin që e martoi nuk ishte burrë. Por kjo ndodhi kur e ëma e saj filloi të ketë dyshime për lidhjen e tyre.
Ajo tha se kanë pasur marrëdhënie “intime” disa herë, por partneri i saj kishte këmbëngulur që të përdor duart në vend të organit gjenital.
Erayani tani gjendet në bankën e të akuzuarve për falsifikim të kualifikimit si mjek, dhe pretendimin se është mashkull. /Telegrafi/
