Grindje në rrugë midis Shilegov dhe Çibishev (video)

Deputeti Petre Shilegov ka ndërhyrë në konferencën për shtyp të deputetit të OBRM-PDUKM, Andon Çibishev, i cili menjëherë pas konferencës për shtyp të Shilegov, ka folur për banesat të cilat i ka blerë Petre Shilegov, bën të ditur TVNova, transmeton Telegrafi Maqedoni

Shilegov është futur para kamerave dhe e ka ftuar Çibishevin të tregojë se çfarë nuk ka të qartë rreth banesave të cilat i ka në posedim në mënyrë të ligjshme dhe në suaza të të hyrave të tij.

„Nuk ka asgjë të paligjshme dhe kontestuese në pronën e Petre Shilegov. Banesat për të cilët bëhet fjalë janë blerë me kredi në afat 23 vjeçar. Zotëri Çibishev, bëjeni dallimin midis njerëzve të cilët fitojnë me nder dhe kriminelëve në radhët tuaja, në krye me Nikola Gruevskin. Unë fitoj me nder ndërsa ju vidhni nga paratë e shtetit. Ky është një dallim i madh, ka thënë Shilegov.

Ngjarja u përcoll me grindje dhe sqarime dhe pas kësaj LSDM doli me njoftim partiak në të cilën mes tjerash thuhet:

“Manipulimet e OBRM-PDUKM në përpjekje për ta mbuluar kriminalet e Nikola Gruevskit, nuk kalojnë.

“I ballafaquar me faktet dhe të vërtetën Çibishev iku, për të cilën gjë dëshmitarë ishin ekipet e shumta gazetareske”, thuhet në njoftimin e LSDM./Telegrafi/

/Telegrafi/