Griezmann: Mezi pres ta takoj Koemanin dhe bashkëlojtarët, i lumtur që Messi mbeti te Barcelona

Ylli francez, Antoine Griezmann këmbëngul se është i lumtur që Lionel Messi po qëndron me Barcelonën, ndërsa shtoi se pret ta takojë personalisht trajnerin e ri Ronald Koeman.

Është pohuar se Griezmann dëshiron të largohet nga Barca tani që Messi ka bërë një kthesë dhe ka rënë dakord të qëndrojë për sezonin e ri.

Sidoqoftë, ai këmbënguli që marrëdhënia e tij në fushë me Messin është duke u përmirësuar.

Lexo po ashtu Koeman e ka njoftuar Griezmannin se do të jetë lojtar kyç në projektin e tij

“Po, po shkon mirë. Ne kalojmë shumë mirë jashtë fushës. Më pas, është si me Kylian Mbappe, në fillim nuk gjeta pasime. M’u desh shumë kohë për ta gjetur. Por, do të vijë edhe me Leon. Mezi pres të shkoj atje dhe të argëtohem”, ka thënë fillimisht Griezmann.

“Unë me të vërtetë dua të njoh personalisht trajnerin e ri Ronald Koeman, edhe pse kam folur me të më parë në telefon, por nuk është e njëjta ballë për ballë”.

“Mezi pres të takojë shokët e mi të skuadrës dhe dua të bëj gjithçka për të fituar trofe”.

“Ka qenë një sezon pa trofe, pas një kohë e gjatë për Barçën, dhe unë dua të ndihmoj shokët e mi të fitojnë”, përfundoi ylli francez. /Telegrafi/