Granit Xhaka hapet dhe flet pas largimit nga Arsenali: Ai ndalet te momenti me tifozët dhe heqja e shiritit të kapitenit

Pas një përplasjeje të ashpër me tifozët e Arsenalit në vitin 2019, Granit Xhaka u hoq nga kapiteni dhe donte të largohej nga klubi, por ai bisedoi dhe u bind për të qëndruar nga Mikel Arteta dhe u largua nga klubi këtë verë.

Granit Xhaka thotë se tundimi jashtë fushës nga tifozët e Arsenalit në vitin 2019 “më dha edhe më shumë forcë”, duke këmbëngulur se incidenti ishte një “keqkuptim midis tij dhe tifozëve “.

Xhaka, i cili përfundoi një transferim te Bayer Leverkusen këtë verë për një tarifë prej rreth 25 milionë euro, iu hoq kapiteni pasi reagoi me zemërim ndaj sulmeve të tifozëve ndaj tij kur u zëvendësua në një ndeshje të Ligës Premier kundër Crystal Palace.

Lexo po ashtu “Nuk është e vërtet që u largova nga Arsenali pasi gruaja nuk ishte e lumtur” – Xhaka tregon arsyet për largimin nga Anglia

Mesfushori iu tha “f*** off”  dhe mbajti dorën te veshin, pastaj hoqi edhe fanellën ndërsa po dilte nga fusha.

He will indeed be a part of the Arsenal history forever! 😂😂😂

😅 Remember?! 👇🏻
Granit Xhaka 'tells Arsenal fans to f*** off' after being booed off by Emirates crowd vs Crystal Palace! pic.twitter.com/wR6A7uH1rE

— Hamid Reza Dousti (@HamidRezaDousti) July 7, 2023

Në atë kohë, shumë prisnin që incidenti të shënonte fundin e kohës së tij në Emirates, por ai u riintegrua nga Mikel Arteta dhe luajti një rol kyç në ringjalljen e ekipit.

Duke reflektuar mbi incidentin në një intervistë për Blick , Xhaka ka folur për këtë gjë dhe shumë të tjera.

Lexo po ashtu Fjalët e para të Granit Xhakës si lojtari i Bayer Leverkusen

“Unë isha kapiten i Arsenalit në vitin 2019. Më pas erdhi ajo histori me tifozët. Unë kurrë nuk kam pasur probleme me djemtë dhe klubin; ishte më shumë një keqkuptim mes tifozëve dhe meje. Rikthimi në Arsenal kështu më pas më dha edhe më shumë forcë”.

“Kam mundur të tregoj se çfarë personaliteti kam unë. Nuk më pëlqen të flas për veten time. Por mund të lavdërosh edhe veten nëse gazetarët nuk të lavdërojnë aq shumë. Seriozisht, mëson nga gjëra të tilla”.

“Ti bëhesh më i fortë. Në fund më lejuan të largohesha me duartrokitje të mëdha. Ky ishte qëllimi im numër një. A jam një lider? Nuk do ta thosha këtë. Jam i sigurt që do të bëj akoma gabime, kjo është pjesë e jetës. Por sigurisht, më pak se më parë”, ka thënë Xhaka. /Telegrafi/