“Granit shembull i një lideri të vërtetë, ai po udhëheq si kapiten” – Yakin flet për fitoren me Italinë dhe ndikimin e Xhakës

Murat Yakin po merr vlerësime të larta për mënyrën se si po drejton Zvicrën në Euro 2024, duke e dërguar në çerekfinale, pasi eliminoi Italinë me një fitore prej 2-0 të shtunën.

Ai ka thënë se e kanë ditur që do ta mposhtin Italinë nëse Azzurrët do të luanin me katër mbrojtës.

Lexo po ashtu Statistikat e jashtëzakonshme të Granit Xhakës kundër Italisë

“Kemi pasur përkrahje në çdo stadium që nga dita e parë. Kam pritur çdo gjë, por e kam ditur se do t’i shkatërrojmë nëse luajnë me katër në vijën e fundit. Ky sistem mundëson shumë gjëra. I kemi lejuar të vrapojnë dhe kemi shfrytëzuar hapësirat e lira. Kemi luajtur me kurajo dhe futboll sulmues”, ka thënë Yakin.

Yakin ka veçuar kapitenin Granit Xhaka për kontributin e tij të jashtëzakonshëm në skuadër.

“Granit është shembull i një lideri të vërtetë. Ai udhëheq rrugën si kapiten dhe gjithnjë përfshin të gjithë, duke llogaritur edhe zëvendësuesit. Është mirë që po flasim vetëm për futboll. Çdo gjë po shkon mirë për momentin”, deklaroi Yakin.

Lexo po ashtu Heroi i Zvicrës, Ruben Vargas tregon se çfarë i tha Granit Xhaka para golit

Në prag të çerekfinaleve, Zvicra duket e përgatitur dhe e motivuar. Strategjia e Yakin, që përfshin një sistem të shfrytëzuar mirë dhe një lojë sulmuese, ka sjellë rezultate të dukshme.

Me përkrahjen e fortë nga tifozët dhe liderin e ekipit, Granit Xhaka, në formë të shkëlqyer, Zvicra ka arsye të jetë optimiste për vazhdimin e suksesit në turne. /Telegrafi/