Goran Milevski paralajmëron dorëheqje nga pozita e ministrit të Vetëqeverisjes Lokale

Goran Milevski javën e ardhshme do të largohet nga pozita e ministrit të Vetëqeverisjes Lokale në Qeveri.

Lajmin e ka konfirmuar mëngjesin e sotëm për TV 21.

“Pas tri vitesh të punës si ministër i Vetëqeverisjes Lokale, mendoj se është koha për ndryshime dhe në këtë pozitë të vijë një staf tjetër”, thotë Milevski në lidhje me informacionet në media se po tërhiqet nga pozita e tij në Qeveria.

Në PLD, partia e së cilës është kryetar, flitet për pasardhësin e tij në portofolin ministror.

Ai pohon se nuk ka përçarje në parti dhe se deri në fund të vitit duhet të mbahet një kongres i rregullt në të cilin do të merren vendimet kryesore partiake.

Në vitin 2015, Milevski e trashëgoi pozitën udhëheqëse në PLD nga Andrej Zernovski.

Goran Milevski është ministër i Vetëqeverisjes Lokale që nga viti 2019.

Këtë funksion e ka kryer në mandatin e parë të Qeverisë së udhëhequr nga Zoran Zaev, në Qeverinë Tranzicionale, e më pas në mandatin e dytë të përbërjes qeveritare të Zaevit.

Departamentin për vetëqeverisje lokale e mbajti Qeveria aktuale e kryeministrit Dimitar Kovaçaveski, i zgjedhur më 16 janar të këtij viti.

Për dorëheqjen e paralajmëruar të Milevskit, për momentin nuk kemi koment nga Qeveria dhe partia e tij.