Gjykata spanjolle hedh poshtë ankesën e Shakirës në rastin e mashtrimit fiskal

Një gjykatë në Spanjë hodhi poshtë të enjten (26 maj) ankesën e këngëtares kolumbiane Shakira në një rast mashtrimi fiskal, duke i hapur rrugën një gjyqi pasi një gjykatës më parë arriti në përfundimin se kishte prova të mjaftueshme për të sugjeruar se ylli i popit mund të ketë shmangur detyrimet e saj fiskale ndaj shtetit.

Çështja u bë për herë të parë tituj në dhjetor 2018 pasi prokurorët spanjollë e akuzuan këngëtaren për dështimin për të paguar 14.5 milionë euro (15.5 milionë dollarë) taksa mbi të ardhurat e fituara midis 2012 dhe 2014.

45-vjeçarja mohoi çdo keqbërje kur dëshmoi në qershor 2019, shkruan Abcnews.

Në zemër të grindjes ligjore është çështja e vendbanimit të këngëtares: prokurorët pretendojnë se ajo jetonte kryesisht në Spanjë, pavarësisht se kishte një rezidencë zyrtare në Bahamas.

Në vendimin e saj të lëshuar të enjten, gjykata spanjolle tha se provat sugjerojnë se Shakira ishte “banore e përhershme në Spanjë”, duke shtuar se dokumentacioni nuk arriti të vërtetonte vendbanimin e saj për qëllime tatimore në një vend tjetër.

Gjykata la në fuqi një vendim të korrikut, në të cilin gjyqtari spanjoll Marco Juberias shkroi se hetimi i tij tre-vjeçar zbuloi se kishte “prova të mjaftueshme kriminaliteti” që çështja të shkonte në gjyq.

Firma e marrëdhënieve me publikun e Shakira tha të enjten se ajo kishte paguar menjëherë borxhin pasi u informua për borxhin nga Zyra e Taksave e Spanjës.

“Sjellja e Shakiras për çështjet tatimore ka qenë gjithmonë e patëmetë në të gjitha vendet ku asaj i është dashur të paguajë taksat dhe ajo ka besuar dhe ndjekur me besnikëri rekomandimet e specialistëve dhe këshilltarëve ekspertë më të mirë”, tha firma PR në një deklaratë.

Lexo po ashtu Ekzistojnë dëshmi të mjaftueshme për të nisur procesin gjyqësor ndaj Shakiras lidhur me evazionin fiskal

Sipas deklaratës, ekipi ligjor i Shakirës do të vazhdojë të “mbrojë pafajësinë e saj”.

Këngëtarja përballet me një gjobë të mundshme dhe një dënim me burg, nëse shpallet fajtor për evazion fiskal. /Telegrafi/