Gjuetarët e fantazmave e detyrojnë britaniken që ta lëshojë shtëpinë e “pushtuar” nga një fantazmë

Gjuetarët e fantazmave e kanë detyruar një grua që të largohet nga shtëpia e saj e “pushtuar” pasi që ata pësuan “gërvishtje demonike” gjatë një ekzorcizmi.

Qiramarrësja 30 vjeçare e dëshpëruar Lauren Roth, ka jetuar në shtëpinë e saj në Middlesbrough prej muajit nëntor të vitit të kaluar, dhe pretendon se familja e saj është terrorizuar nga një fantazmë që prej kohës kur ata u futën në shtëpi.

Ajo i thirri ekspertët e fantazmave Lee dhe Linzi Steer të shtunën e 30 korrikut pasi ajo pretendoi se një “shpirt i inatosur” i ndizte dhe fikte dritat në shtëpinë e saj, transmeton Telegrafi.

The Mirror raporton se “shpirti” edhe e gërvishte atë dhe vajzën e saj, duke i detyruar ato që të largohen nga shtëpia dhe që vendosen në një karavan në trotuarin e shtëpisë së tyre.

Lauren thirri gjahtarët në një përpjekje të dëshpëruar për t’i dhënë fantazmës “një karton të kuq”.

Nëna pretendon se kulmi ishte kur ajo e ri-vizitoi shtëpinë gjatë muajit të shkuar dhe i ndjeu disa gishtërinj që dikush ia futi në fyt.

“Dritat ndizeshin dhe fikeshin, e ndjeja se dikush gjendej tek fundi i krevatit. Kur shkova në Spanjë gjatë prillit, dyert përplaseshin gjatë gjithë natës. Burri im deri atëherë nuk besonte në këto gjëra, një djalosh i mirëfilltë, dhe ajo gjë e tmerroi atë tej mase. Ne jemi duke qëndruat tek nëna ime që nga ajo përvojë”, tha Lauren.

Detektivi i aktiviteteve paranormale Lee, i cili e drejton Project Reveal – Ghosts of Britain, e vizitoi shtëpinë në fjalë 2 ditë pas thirrjes, për t’u konfrontuar me mysafirin super natyral, por që nuk shpëtoi pa u “dëmtuar”.

Detektivi 36 vjeçar pretendon se përballja e “çuditshme” e la atë me gërvishtje në dorën e tij dhe me pamje të “frikshme” që tregonin prezencën e fantazmës. /Telegrafi/