Gjesti i jashtëzakonshëm i Dejan Lovren – ofron hotelin e tij për të prekurit nga tërmeti në Kroaci

Pas një tërmeti të fortë që goditi banorët e Petrinja, Sisak dhe zonën përreth, ndihma për viktimat po vjen nga e gjithë Kroacia.

Klube dhe sportistë të shumtë kroatë dolën me mesazhe mbështetjeje, ndërsa grupe të ndryshme tifozësh shkuan për të ndihmuar zonat e prekura.

Lojtari i kombëtares kroate dhe mbrojtësi i Zenitit, Dejan Lovren, përmes profilit të tij në Instagram, ofroi strehim për 16 familje nga Petrinja që mbetën të pastreha.

Ai shtoi se duhet të luten dhe të qëndrojnë të bashkuar në këtë kohë.

View this post on Instagram

A post shared by Dejan Lovren (@dejanlovren06)

Lovren është pronar i një hoteli luksoz me 4 yje që mban emrin Joel. Emri i hotelit vjen me dy shkronjat e para të dy fëmijëve të tij Josip dhe Elena.

Hoteli, i vendosur në Novalja në ishullin Pag, ka 17 dhoma apartamentesh, pishina dhe një restorant.

Mesazhe mbështetjeje bënë edhe atletë të tjerë kroatë, duke përfshirë Darijo Srna, Domagoj Vida, Dominik Livaković, trajnerin Zlatko Dalić, Ivan Klasnić, NK Rijeka, Dinamo, Lokomotiva, Hajduk, Cibalia, Osijek, Federata Kroate e Basketbollit, Federata Kroate e Hendbollit. /Telegrafi/