Gjermania kërkon që G7 të fokusohet në rimëkëmbjen ekonomike nga pandemia COVID-19

Gjermania dëshiron që ta shfrytëzojë kryesimin e Presidencës së Grupit të Shtatë vendeve (G7) që të mbështesë rimëkëmbjen ekonomike nga pandemia COVID-19 dhe të forcojë përpjekjet për përmirësimin e mbrojtjes së mjedisit.

Kështu tha ministri gjerman i Financave, Christian Lindner.

“Gjermania ka marrë kryesimin e Presidencës së G7-s për vitin 2022 – shtetet e G7-s qëndrojnë për liri, demokraci dhe përparim”, shkroi Lindner në Twitter.

Ab heute übernimmt Deutschland für 2022 die #G7-Präsidentschaft. Die G7-Länder stehen für Freiheit, Demokratie, Fortschritt und Kooperation. Mit diesen Werten müssen wir die Pandemie überwinden und den globalen wirtschaftlichen Aufschwung voranbringen. CL

— Christian Lindner (@c_lindner) January 1, 2022

“Duke pasur këtë në mendje, ne duhet ta tejkalojmë pandeminë dhe të nxisim rimëkëmbjen ekonomike globale”, shtoi ai.

Lindner është lider i partisë Demokratët e Lirë, që është partnerja e vogël e koalicionit të Qeverisë gjermane, të kancelarit Olaf Scholz.

Ministri i Financave tha po ashtu se ai dëshiron që në takimet e ardhshme të ministrave të Financës së G7-s, agjenda e bisedimeve të përqendrohet në çështjen e digjitalizimit dhe ndryshimeve klimatike. /Telegrafi/