Gjermanët më të pasurit në Evropë

Italia, Franca, Gjermania, Spanja, Mbretëria e Bashkuar dhe Holanda kanë një popullsi prej 336 milionë banorësh në total.

Super të pasurit përbëjnë më pak se 0.3 për qind të totalit. Në krahun e kundërt, 50 milionë banorë të këtyre 6 shteteve, ose 15 për qind e totalit, konsiderohen si të varfër. të varfër klasifikohen ata që kanë të ardhura më të ulëta se 10 mijë euro.

Në Britani miliarderët janë rreth 217 mijë, ose 0.7 për qind e kontribuuesve, ndërkohë që 5 mijë prej tyre deklaron të ardhura në rreth 2 milionë sterlina. Në Itali ndërkohë ata që deklarojnë të ardhura në mbi 200 mijë euro përbëjnë vetëm 0.2 për qind të totalit, rreth 78 mijë individë. Vetëm 32 mijë persona deklarojnë të ardhura në mbi 300 mijë euro.

Në Spanjë situate është edhe më e keqe. Vetëm 5 mijë persona deklarojnë të ardhur anë mbi 600 mijë euro. Po të analizohet bërthama familjare, klasifikimin e kryeson Gjermania, me 345 mijë të pasur, ose 0.9 për qind të totalit. 15 mijë familje gjermane deklarojnë më shumë se 1 milionë euro.

Në Francë norma zbret në 0.4 për qind dhe vetëm 93 persona deklarojnë të ardhura në mbi 9 milionë euro. Në Holandë gjendja duket më e baraspeshuar. 5.4 milionë persona në Mbretëri deklarojnë të ardhura mes 100 dhe 200 mijë euro, dhe përbëjnë 11 për qind të totalit. Në Itali kjo normë fiksohet në 0.8 për qind, në Spanjë në 1.1 për qind dhe në Britani në 2.1 për qind.

Italia mban rekordin e individëve me të ardhurat më të ulëta mes këtyre 6 shteteve, ku 13 milionë deklarojnë të ardhura në më pak se 10 mijë euro. /Telegrafi/