Gjermanët po tërheqin para nga Bashkimi Evropian

Komisioni Evropian njoftoi të enjten se Gjermania do të marrë para për herë të parë nga fondi special i pandemisë RRF (Resilience and Recovery Facility).

Janë katër miliardë euro nga fondi i krijuar në vitin 2021 për të zbutur pasojat ekonomike të pandemisë së coronavirusit.

Gjermania kërkoi pagesën nga Brukseli në mesin e muajit shtator, për zhvillimin e e-mobilitetit dhe projekteve të gjelbra, do të thotë të prodhimit të hidrogjenit, pastaj për digjitalizimin e hekurudhave, zhvillimin e vaksinave, mbështetjen e kujdesit për fëmijët, edukimin dhe digjitalizimin e administratës publike.

Sipas përllogaritjeve të Komisionit, Gjermania do të mund të tërheqë gjithsej 28 miliardë euro nga RRF, e cila sipas të dhënave të fundit ka 338 miliardë euro për grante pa qëllim dhe 385 miliardë për kredi.

RRF financohet nga huazimet që anëtarët e BE-së do të paguajnë bashkërisht deri në vitin 2058.

Për ndihmë nga fondi anëtarët duhet të paraqesin një plan investimi dhe projekte, dhe pagesa kushtëzohet nga rezultatet, pra vijon vetëm pasi të jenë arritur qëllimet e planifikuara. /Telegrafi/