Gjashtë muaj më parë përballej me temperatura -50 gradë Celsius, tani një qytet në Kinë po “digjet” në shumë se 52 gradë Celsius

Një qytet i largët në veriperëndimin e Kinës është duke u përballur me temperaturat prej më shumë se 52 gradë Celsius, duke vendosur një rekord për një vend që po luftonte motin minus 50 gradë Celsius vetëm gjashtë muaj më parë.

Temperaturat në qytezën Sanbao në u rritën deri në 52.2C të dielën, raportoi të hënën gazeta shtetërore Xinjiang Daily, me nxehtësinë rekord që pritet të vazhdojë të paktën pesë ditë të tjera, përcjell Telegrafi.

Temperatura e së dielës theu një rekord të mëparshëm prej 50.3 gradë Celsius, i matur në vitin 2015 pranë Ayding, një pellg i madh dunash rëre dhe liqenesh të tharë.

🌡️ Dangerous levels of heat are affecting parts of North America, Asia and southern Europe

📈 China provisionally recorded it's highest temperature on record on Sunday and some Mediterranean countries will challenge their respective records this week pic.twitter.com/zuD4rFEgng

— Met Office (@metoffice) July 16, 2023

Që nga prilli, vendet anembanë Azisë janë goditur nga disa raunde të nxehtësisë rekord, duke shkaktuar shqetësime rreth aftësisë së tyre për t’u përshtatur me një klimë që ndryshon me shpejtësi.

Ekspertët e klimës thonë se objektivi për të mbajtur ngrohjen globale afatgjatë brenda 1.5 gradë Celsius është “duke u larguar”.

Periudhat e zgjatura të temperaturave të larta në Kinë kanë sfiduar rrjetet e energjisë elektrike dhe të korrat, dhe shqetësimet po rriten për një përsëritje të mundshme të thatësirës së vitit të kaluar, më e rënda në 60 vitet e fundit.

Kina është e njohur për luhatjet dramatike të temperaturave përgjatë stinëve, por luhatjet po bëhen më të gjera. /Telegrafi/