Giuseppe Marotta flet për transferimin mjeshtëror të Edin Dzekos: Shitëm Lukakun për 115 milionë euro, morën sulmues të njëjtë pothuajse falas

Drejtori i përgjithshëm i Interit, Giuseppe Marotta ka folur për transferimin e Edin Dzekos, i cili mbërriti te kampionët aktual si zëvendësues i Romelu Lukakut dhe doli të ishte një sukses i plotë.

Dzeko mbushi 35 vjeç në mars dhe shënoi vetëm shtatë gola në Serie A sezonin e kaluar për Romën, ndërsa shumë tifozë të Interit dyshuan se ai ishte një zëvendësues adekuat për belgun.

Tani, megjithatë, duket të jetë një tjetër lëvizje mjeshtërore nga Beppe Marotta, një drejtues i njohur për ndërtimin e një ekipi të fuqishëm si Juventusi me transferime të lira, punë që tani po e bën edhe te Interi.

“Lukaku u shit për 115 milionë euro, dhe ne e blemë Dzekon pothuajse për asgjë, dhe nuk ka ndonjë ndryshim të madh në fushë”, ka thënë Marotta për Corriere della Sera.

Kujtojmë që Dzeko këtë verë nënshkroi kontratë dyvjeçare me Interin për një tarifë të vogël, e cila në këtë rast do të realizohet me bonuse, ku një ndër të është nëse Interi e fiton Ligën e Kampionëve shkon në 1.8 milion euro.

Dzeko ka luajtur 21 ndeshje në të gjitha garat këtë sezon me fanellën e Interit dhe ka shënuar 11 gola, duke dhuruar edhe tre asistime. /Telegrafi/