Gazzaev: Golovin ka nënshkruar tashmë me Chelsean

Ish-trajneri i CSKA Moskës, Valeri Gazzaev, pretendon se ylli rus, Aleksandr Golovin tashmë ka nënshkruar kontratë me anglezët e Chelseat.

Golovin ka befasuar me nivelin dhe formën e treguar në Kupën e Botës me Rusinë, ku ka bërë për vete shumë skuadra të mëdha evropiane.

Kampionët italianë të Juventusit kishin shprehur interesim për të, por thuhet se garën e ka fituar Chelsean.

Lexo po ashtu Shkëlqeu në ndeshjen hapëse me Rusinë, Juventusi bënë ofertë zyrtare për Golovin

Është ish-trajneri Gazzaev, i cili fitoi Ligën e Evropës me CSKA në vitin 2005 – beson se ai tashmë ka pranuar të bashkohet me Blutë e Londrës.

“Golovin do të vendosë se ku është vendi më i mirë për të”, citohet të ketë thënë Gazzaev për gazetën Sport.

“Për aq sa di unë, ai tashmë ka nënshkruar një kontratë me Chelsean. Unë mendoj se ata janë një opsion i mirë për të”.

Lexo po ashtu Chelsea synon transferimin e Golovinit dhe Pulisicit

“Është një përgjegjësi e madhe për të, por ai është i përgatitur për këtë”.

Megjithatë, kjo u pasua nga një kundërshtim nga agjenti i tij Oleg Artemov, i cili është cituar nga ItaSportPress: “Ai nuk ka nënshkruar për asnjë klub evropian. Negociatat janë në proces, por për momentin Aleksandr mbetet një lojtar CSKA”. /Telegrafi/