Gary Neville tregon transferimin që duhet ta bëjë Chelsea për të luftuar për titull

Gary Neville ka treguar lojtarin që po i mungon Chelseat dhe blerjen që ai beson se ata duhet ta bëjnë nëse duan të jenë kandidat për titullin e Ligës Premier.

Që prej se mori rolin e trajnerit në qershor, Enzo Maresca ka lënë përshtypje të mëdha tek Chelsea, duke i udhëhequr ata drejt katër fitoreve dhe dy barazimeve në shtatë ndeshjet e para në Ligën Premier.

Sidoqoftë, ky rekord i tij u prish pasditen e së dielës pasi ekipi i tij u mposht me rezultat 2-1 ndaj liderit të tabelës Liverpoolit në ‘Anfield’.

Pas këtij rezultati, Neville ka sugjeruar blerjen që Chelsea duhet ta bëjë nëse shpresojnë për të luftuar për titullin e Ligës Premier në një të ardhme të afërt.

“Nuk dua të them diçka për Nicolas Jackson, sepse mendoj që ai mund të jetë pjesë e një skuadra të suksesshme që mund të bëjë mirë për Chelsean”.

“Unë vetëm mendoj se nëse ai do të kishte një sulmues të nivelit botëror para tij dhe ai do të ishte sulmuesi i dytë, kjo me shumë mundësi do të funksiononte më mirë për një skuadër që mund ta fitojë potencialisht titullin gjatë viteve në vazhdim”, ka thënë Neville.

Gjatë afatit kalimtar veror, Chelsea ishin të lidhur me disa sulmues të ndryshëm në përpjekje për të përforcuar sulmin, por në fund nuk arritën që të bëjnë ndonjë transferim./Telegrafi/