Fundoset një anije pranë ishullit italian, humbin jetën 41 emigrantë

41 emigrantë vdiqën në fundosja e një anijeje pranë ishullit italian të Lampedusa, thanë të mbijetuarit për mediat lokale.

Një grup prej katër të mbijetuarve, nga Bregu i Fildishtë dhe Guinea, mbërritën sot në Lampedusa, transmeton Telegrafi.

Ata u thanë shpëtimtarëve se ishin në një anije që u largua nga Sfax në Tunizi dhe u fundos rrugës për në Itali.

Të mbijetuarit – tre burra dhe një grua, thanë se varka e tyre, me 45 persona, duke përfshirë tre fëmijë, u largua nga Sfax të enjten e kaluar, por u fundos brenda disa orësh.

Ata shtuan se u shpëtuan nga një anije mallrash dhe më pas u transferuan në një anije shpëtimi italiane në bregdet.

Roja bregdetare italiane raportoi për dy anije të fundosura në zonë të dielën, por nuk ishte e qartë nëse kjo anije ishte një prej tyre.

Autoritetet tuniziane thonë se Sfax, një qytet port rreth 130 kilometra nga Lampedusa, është një pikë popullore nisjeje për emigrantët që kërkojnë siguri dhe një jetë më të mirë në Evropë.

Më shumë se 1800 njerëz kanë humbur jetën këtë vit duke kaluar nga Afrika e Veriut në Evropë. /Telegrafi/