Kombinime të freskëta për thonj të shkurtër e të gjatë, me ngjyra që flasin
Manikyri këtë verë pasqyron gjendjen shpirtërore - është i gjallë, i guximshëm dhe i mbushur me ngjyra që të japin energji. Çdo detaj i thonjve flet për freskinë dhe lirinë që sjell sezoni i ngrohtë.
Dominojnë dy trende të forta: nuancat e frutave të pjekura që duken mrekullisht në thonjtë e shkurtër, dhe ngjyrat neon që shkëlqejnë në thonjtë e gjatë, duke tërhequr çdo sy.
Këtë verë, manikyri nuk është vetëm pjesë e pamjes, është detaj që plotëson stilin, tregon humorin dhe sjell një prekje lozonjare edhe në kombinimet më të thjeshta.
Estetistet e thonjve nga Arimeda theksojnë se kontrastet e guximshme të ngjyrave, format e theksuara dhe loja me tekstura janë ajo që e dallon manikyrin e këtij sezoni nga vitet e kaluara.
Për të pasur një pamje të kuruar, këshillohet të mos keni frikë të eksperimentoni me ngjyra të gjalla, gradientë të pazakontë dhe detaje që i japin thoit karakter dhe freski verore. Ja disa prej rekomandimeve të tyre më të mira për këtë verë, transmeton Telegrafi.
Thonjtë e shkurtër duken për mrekulli me nuancat e frutave verore - si qershia, kajsia apo ngjyra e manaferrave. Ky stil sjell freski dhe lehtësi, perfekt për pamje të përditshme me një dozë karakteri.
Thonjtë e gjatë këtë sezon shndërrohen në një “kanavacë” për të shprehur stilin tuaj. Neon rozë, e verdhë limoni apo blu elektrike shkëlqejnë veçanërisht në forma bajameje apo katrore. Kërkohen sidomos kombinimet me shumë ngjyra ose manikyri francez në variant neon, një klasik me një kthesë moderne.
Një nga zgjedhjet më efektive është neoni, baza e tejdukshme me maje të theksuar në ngjyrë, që nxjerr në pah formën e thoit dhe i jep energji çdo stili.
Qoftë që zgjidhni variantin e butë me ngjyra frutash apo nuancat intensive që bien në sy, manikyri i verës është e rezervuar për ngjyra që tregojnë historinë tuaj. /Telegrafi/
