LAJMI I FUNDIT:

Foshnjës deri në muajin e nëntë këtë ushqim nuk duhet t’ia jepni: Bëhuni të kujdesshëm

Foshnjës deri në muajin e nëntë këtë ushqim nuk duhet t’ia jepni: Bëhuni të kujdesshëm

Ndonjë ushqim ende duhet ta shmangni

Foshnja shtatëmuajshe ka provuar mjaft gjëra, deri në muajin e nëntë ha shumicën e frutave, perimeve dhe mishit.

Edhe pse është interesante të eksperimentoni me mjaft shije dhe tekstura të reja, mos rrezikoni, shmangni këtë ushqim potencialisht problematik.


Ende vazhdoni të kujdeseni për ushqimin dhe ndiqni me kujdes a ka foshnja juaj ndonjë lloj reagimi, transmeton Telegrafi.

Ushqimi të cilin foshnjave nuk duhet t’ua jepni

Djathi

Mos i jepni djathëra të buta, të papasterilizuara ose djathëra blu në vitin e parë të jetës për shkak të rrezikut të listerisë – të rrallë por serioz i helmimit me ushqim.

Guacat

Këtë ushqim duhet shmangur deri në muajin e nëntë të foshnjës, sepse mund të shkaktojnë alergji dhe janë shkaktari kryesor i helmimit me ushqim. Megjithatë, nëse vendosni t’ia jepni foshnjës suaj, kontrolloni a janë të freskëta dhe a janë të ziera mirë.

Kivi

Ky lloj i frutave është një ndër alergjenët kryesorë, prandaj në këtë moshë duhet shmangur

Vezët

Vezët e ziera fort janë të sigurta, mirëpo për të shmangur rrezikun e helmimit, vezët e papërpunuara dhe ato jo mjaft të ziera nuk bën t’ua jepni foshnjës, nëse nuk i ka mbushur një vit.

istockphoto

Frutat arrore

Mund të jenë rrezik nga ngufatja, kështu që nuk duhet t’i jepni fëmijës tuaj arra të plota ose të grira deri në moshën pesë vjeçare. Farat, gjalpi i arrave ose arrat e bluara mund të futen në mënyrë të sigurtë në këtë fazë, por shumë ekspertë ende këshillojnë të mos i jepni ato para moshës tre vjeçare nëse ka ndonjë histori të alergjive ushqimore, etheve të barit, ekzemës ose astmës në familjen tuaj.

Mjalti

Nuk është i përshtatshëm për foshnjat nën një vit pasi mund të shkaktojë botulizëm, një lloj helmimi ushqimor potencialisht i rrezikshëm.

Sheqeri

Për të reduktuar rrezikun e prishjes së dhëmbëve, është mirë të shmangni këtë produkt. Gjithashtu, shmangni dhënien e shumë ushqimeve dhe pijeve me sheqer, të tilla si biskota, lëngje frutash, drithëra në mëngjes me sheqer.

Kripa

Veshkat e foshnjës në këtë moshë nuk mund ta përpunojnë kripën dhe mund të përkeqësojë dehidratimin, kështu që nuk duhet të përdoret në vakte para 12 muajsh. Shmangni ushqimet me përmbajtje të lartë kripe, si salcat e gatshme të makaronave, patatet e skuqura, salsiçet dhe proshutën.

Ushqimet me pak yndyrë dhe kalori

Ushqimi me yndyrë të plotë dhe me kalori të lartë është i nevojshëm për rritjen dhe zhvillimin e foshnjës. Shumë ushqime me kalori të ulët dhe ushqime dietike përmbajnë gjithashtu ëmbëltues artificialë dhe aditivë që disa studime i kanë lidhur me probleme shëndetësore të sjelljes.

Ushqimet e pasura me fibra

Shmangni ushqyerjen me ushqime me fibra të larta si krunde, makarona dhe oriz kafe, pasi foshnjat mund të ngopen pa marrë kalori të mjaftueshme. Gjithashtu, ky lloj ushqimi mund të ndërhyjë në përthithjen e foshnjës të lëndëve ushqyese kryesore.

Qumështi i lopës

Qumështi i plotë i lopës është i sigurt për t’u përdorur në gatim dhe me drithëra, por mos e jepni si pije deri në 12 muaj. Krahasuar me qumështin e gjirit dhe formulën, ai ka shumë yndyrë, kalori dhe substanca të dëmshme për nevojat e foshnjës tuaj në rritje. /Telegrafi/

Në trend Femra

Më shumë
Trendi i ri në TikTok, vendosni bronzer në vend të korrektorit - mund t'ju duket e çuditshme por rezultati do t'ju habisë

Trendi i ri në TikTok, vendosni bronzer në vend të korrektorit - mund t'ju duket e çuditshme por rezultati do t'ju habisë

Femra
I keni shkulur më shumë seç duhet vetullat dhe doni t'i rinovoni ato? Ndiqni këta tre hapa

I keni shkulur më shumë seç duhet vetullat dhe doni t'i rinovoni ato? Ndiqni këta tre hapa

Këshilla Estetike
Gjithë ç’duhet të dini për gjakun në ngjyrë kafe gjatë periodave

Gjithë ç’duhet të dini për gjakun në ngjyrë kafe gjatë periodave

Modeli i flokëve të saj u shpall më i miri në Instagram nga “Vogue”: Si të arrini një dukje verore

Modeli i flokëve të saj u shpall më i miri në Instagram nga “Vogue”: Si të arrini një dukje verore

Flokë dhe stil
Jennifer Lopez tregoi se si të mbathni sandale japoneze me rripa këtë verë

Jennifer Lopez tregoi se si të mbathni sandale japoneze me rripa këtë verë

Moda
Pesë arsyet pse keni kruarje të vazhdueshme vagjinale

Pesë arsyet pse keni kruarje të vazhdueshme vagjinale

Kalo në kategori