Formacioni i mundshëm i Kosovës përballë Moldavisë – ‘Dardanët’ kërkojnë fitore për të vazhduar qëndrimin në Ligën C

Kosova do të jetë sot (e mërkure) nikoqir i Moldavisë për përballjen në kuadër të rrethit të gjashtë në Ligën e Kombeve, përkatësisht Liga C, Grupi 3.

Dardanët në takimin e parë të zhvilluar në Palermo të Italisë, kishin barazuar 1-1 ndaj moldavëve, ndërsa sonte do e kërkojnë vetëm fitore, por edhe një barazim do të bënte që të mbeteshim në Ligën C.

Pas dhjetë ndeshjeve, Përfaqësuesja jonë ka tetë humbje dhe dy barazime, e në këtë takim mungon trajneri Bernard Challandes i infektuar me coronavirus, derisa në krye të ekipit do të jetë ndihmësi i tij, Muharrem Sahiti.

Kosova në këtë takim do të jetë pa lojtarët si, Bernard Berisha që është i suspenduar shkaku i kartonëve të verdhë, Milot Rashica dhe Arbër Zeneli që janë të lënduar.

Me strategjinë e Challandes, Sahiti pritet që në fushë të vendos lojtarët si: Arjanet Muric në portë, ndërsa në mbrojtje pritet të jetë, Mërgim Vojvoda, Amir Rrahmani, Ibrahim Dresevic dhe Florent Hadërgjonaj.

View this post on Instagram

A post shared by Telegrafi Sport (@telegrafisport)

Në mesfushë do të rikthehet Herolind Shala që mungoi në takimin ndaj Sllovenisë shkaku i lëndimit, së bashku me Hekuran Kryeziun.

Në sulm do të jetë i vetëm Vedat Muriqi, por që do të ndihmohet nga Edon Zhegrova, Bersant Celina dhe Valon Berisha. /Telegrafi/

View this post on Instagram

A post shared by Telegrafi Sport (@telegrafisport)