Formacioni i mundshëm i Kosovës ndaj Armenisë, mundësi e lojtarëve të rinj për t’i treguar vlerat

Përzgjedhësi Alain Giresse e ka të qartë tashmë se kush mund të paraqitet në formacionin e Kosovës për miqësoren e sotme (e mërkurë) ndaj Armenisë.

“Dardanët” e presin sot Armeninë në ndeshjen miqësore që pritet të zhvillohet në stadiumin “Fadil Vokrri” me fillim nga ora 18:00.

Kjo është miqësorja e parë për Kosovën këtë muaj dhe përzgjedhësi Alain Giresse ka vendosur të tubojë emra të rinj për këtë miqësore dhe të ardhshmen ndaj Ishujve Faore.

Në listën e Giresse janë shumë futbollistë nga Superliga e Kosovës, ish-lojtarëve të ekipeve të moshave, si dhe disa tjerë që kanë pasur mundësi më pak në ndeshjet kualifikuese.

Por, si pritet të luajë Kosova sot ndaj Armenisë?

Telegrafi mëson se Giresse tashmë ka në mendje një formacion 4-3-3 apo në raste edhe 4-2-3-1 dhe shumica e titullarëve pritet t’i kenë sot paraqitjet e para me fanellën e Dardanëve.

Në portë pritet të fillojë Visar Bekaj, ndërsa mbrojtja pritet të formohet nga Lirim Kastrati, Lumbardh Dellova, Ilir Krasniqi dhe Donat Rudhani.

Në mesfushë, talenti i Ballkanit, Lindon Emërllahu pritet të luajë nga minuta e parë me Eris Abedinin dhe Blendi Idrizin.

Sulmi do t’i besohet ish-reprezentuesve të Kosovës U21, Jetmir Topalli dhe Mirlind Daku, të ndihmuar nga Lirim Kastrati tjetër i Përfaqësueses.

Disa nga emrat tjerë që mund të paraqiten nga minuta e parë, por janë në balotazh janë: Leard Sadriu, Iran Bislimi dhe Valmir Veliu.

Formacioni i Kosovës: Bekaj, Lirim Kastrati, Dellova, Krasniqi, Rudhani; Abedini, Emërllahu, Idrizi; Topalli, Daku, Lirim Kastrati

View this post on Instagram

A post shared by Telegrafi Sport (@telegrafisport)

/Telegrafi/