Formacionet zyrtare: Shkëndija në kërkim të fitores ndaj FC Sheriff

Shkëndija zhvillon ndeshjen e parë kundër FC Sheriff Tiraspol, në kuadër të raundi të dytë kualifikues të Ligës së Kampionëve.

Përballja mes këtyre ekipeve zhvillohet në Shkup, ndërsa fituesi nga të dyja ndeshjet do të vazhdojë në raundin e tretë kualifikues të garës më të madhe evropiane për klube.

Trajnerët Qatip Osmani dhe Goran Sablic i kanë gati skuadrat për përballjen e parë në mes tyre.

Formacioni zyrtar i Shkëndijës: Kostadin Zahov, Egzon Bejtulai, Armend Alimi, Visar Musliu, Besart Ibraimi, Ennur Totre, Remzifaik Selmani, Mevlan Murati, Stenio Junior, Izair Emini, Mevlan Adili.

Formacioni zyrtar i FC Sheriff:  Zvonimir Mikulic, Jo Santos, Cristiano, Antun Palic, Ante Kulusic, Ziguy Badibanga, Alhaji Kamara,  Mateo Susic, Yuri Kendysh, Rifet Kapic, Veaceslav Posmac.

Kujtojmë që skuadra nga Tetova, në raundin e parë kualifikues eliminoi The New Saints me rezultat të përgjithshëm prej 5-4.

Nga ana tjetër, FC Sheriff Tiraspol e përmbysi rezultatin kundër Torpedo Kutaisit, për të siguruar pjesëmarrjen në rrethin e dytë kualifikues.

Fituesi i duelit ndërmjet këtyre dy skuadrave do të luajë kundër Salzburgut në rrethin e tretë kualifikues.

Ndërsa ekipi që eliminohet do të luajë në raundin e tretë kualifikues të Europa League ose ndaj Santa Coloma ose ndaj Valur Reykjavik. /Telegrafi/