Ford tërheq 49 mijë vetura elektrike Mach-E nga Amerika

Ford Motor Co thanë gjatë së martës se do të tërheq rreth 49,000 vetura elektrike të modelit Mustang Mach-E nga tregu amerikan për shkak se një pjesë e makinës ka rrezik të mbingrohjes, dhe si rezultat i saj mund të qojë deri në humbje të fuqisë shtytëse.

Prodhuesi i dytë më i madh i veturave në Amerikë tha se pjesa e rimbushjes së shpejtë dhe përdorimi i përsëritshim i pedalit mund të shkaktojnë mbingrohje të pjesëve kryesore të baterisë, shkruan Reuters.

Nga Ford thanë se do ta zgjidhin këtë çështje e cila përfshin modelin Mach-E, i cili filloi të prodhohet nga fundi i majit 2020 deri në fund të majit 2022 me një përditësim të softuerit gjatë muajit të ardhshëm.

Këto vetura nuk do të mund të shiten deri sa të përfundojë përditësimi i softuerit të tyre, transmeton Telegrafi.

“Mbingrohja do të mund të shkaktojë një qark të shkurtër dhe të deformojë sipërfaqet e kontaktit elektrik, dhe do të mund të shkaktojë që çelësi elektrik të mbetet i hapur ose i mbyllur”, bënë me dije nga Ford.

“Nëse një qelës elektrik i mbingrohur hapet gjatë ngasjes së veturës atëherë mund të qojë deri tek humbja e fuqisë shtytëse, dhe automatikisht e ngrit rrezikun për përplasje”, shtuan tutje në deklaratën e tyre kompania Ford. /Telegrafi/