Floktari më i mirë botëror, shpjegon cilat mite për flokët duhet t’i harrojmë

Luke Hersheson është njeriu i cili di bash çdo gjë për flokët. Ky floktar mega i popullarizuar ka bërë çudira me flokët e yjeve Victoria Beckham, Keira Knightley, Sienna Miller, Emma Watson, ndërkaq tani i ndan përvojat e veta.

Nuk ju nevojitet brusha për fenirim. Do të duhej të përdorni duart tuaja gjithnjë derisa flokët të thahen deri në 95 për qind, sepse brusha është shumë e dëmshme për flokë të njoma. Kjo pengon që të shpenzoni kohën tuaj, sepse është e nevojshme që flokët të jenë pothuajse të thata para se të mund t’ua jepni formën, transmeton Telegrafi.

– Mund të përdorni brushën e rrumbullakët për të krijuar vëllim, mirëpo unë pothuajse kurrë nuk e përdor brushën. Mendoj që është më mirë t’i thani flokët vrazhdë me duar gjithnjë derisa të thahen tërësisht dhe të përdorni presën për të krijuar stilin të cilin e dëshironi, – thotë Luke.

Si t’i përdorni duart për fenirim: Mbani flokët fort derisa të thahen.

Si t’i përdorni duart për vëllim: Spërkatni flokët me vrushkull afër rrënjës dhe përdorni duart që të nxirrni flokët nga ana tjetër në drejtime të kundërta për të arritur deri te maja e kokës.

Si t’i përdorni duart për teksturë: Për të krijuar tallaze, përdorni gishtat për të ndarë balluket dhe për t’i ndarë midis gishtit të madh të dorës dhe gishtit tregues për të krijuar dukje të shkujdesur.

Produktet më të reja për flokë zakonisht nuk janë më të mirat

Nuk ju nevojiten tone të produkteve të ndryshme për tharje të thjeshtë, ju nevojiten vetëm balsami apo kremi me mbrojtje të ngrohtë.

Rritja e qëndrueshme i ndihmon flokët tuaj të duken më mirë

Teknikat bashkëkohore të ngjyrosjes, siç janë balajzhi, qëllimisht ngjyrosin rrënjë e flokut me ngjyrë të errët, ndërkaq majat duhet të jenë më të shndritshme në mënyrë që flokët të duken sa më natyrshëm dhe më të buta për regjenerim. Nëse mendoni për ngjyrën natyrale, rrënja gjithmonë është pak më e errët se pjesa tjetër e qimeve. E njëjta ngjyrë në gjithë gjatësinë e flokëve mund të duket monotone, lirisht lozni me thellësinë në disa vende dhe flokët tuaja do të jenë më të bujshme.

Nuk ndihmojnë vetëm produktet e shtrenjta për flokë

Shumë brende me paketime super të shitura dhe çmime të larta, shpesh kanë silikone të lira të cilat mbyllin qimen dhe i bëjnë flokët që të fillojnë të humbin shkëlqimin.

Flokët më së lehtë është të stilizohen në shtresa

Nëse dëshironi më shumë vëllim, mendoni për shtresat e padukshme, të cilat ndihmojnë që flokët të duken më të bujshme. Shtresat e padukshme shkurtohen nën gjatësinë e skajeve, zvogëlojnë peshën e flokëve dhe nxisin lëvizjen pa ndikim në gjatësi.

Patjetër duhet t’i përmbaheni strukturës së flokëve tuaja

Nuk jeni të detyrueshme të dilni nga zona juaj e rehatisë çdo herë kur shkoni te floktari, mirëpo është mirë të fusni element të ri në çdo nëntë muaj. Nuk duhet patjetër të jenë drastike, ndoshta vetëm një ndryshim i lehtë i ngjyrës apo i gjatësisë së flokëve. /Telegrafi/