Flappy Bird do të rikthehet në iOS dhe Android

Loja më e përfolur mobile, Flappy Bird, mund të kthehet në sistemet më të mëdha operative, iOS dhe Android, për tu dhënë të gjithë përdoruesve kënaqësinë dhe varësinë e lojës të cilën disa e urrejnë e disa e duan aq fort.

Krijuesi i Flappy Bird, Dong Nguyen gjatë një interviste të dhënë kohëve të fundit ka thënë se loja të cilën ai e ka tërhequr nga App Store dhe Google Play do të rikthehet.

Loja ka një mekanizëm shumë të thjeshtë, e cila ka bërë që shumë njerëz të bëhen të varur ndaj saj, duke bërë madje që disa ta thyejnë telefonin e tyre.

Edhe pas fitonte 50.000 dollarë në ditë, Dong Nguyen thotë se njëra ndër arsyet që e ka shtyrë atë ta shuajë lojën përkohësisht, ishte edhe mos-përshtatja me stilin e jetës së njerëzve të famshëm.

Gjatë gjithë kohës sa Flappy Bird nuk ishte në Android dhe iOS, shumë zhvillues u munduan ta replikojnë lojën, ndërsa disa hakerë krijuan edhe krimba në versionet e tyre të lojës, dhe dëmtuan shumë përdorues të tyre, dhe përdorues të tjerë në internet./ Telegrafi /