Kosova ka shënuar fitore historike që nga pranimi në FIBA.
Basketbollistët tanë kanë triumfuar kundër maqedonasve me rezultat 72:68.
Djemtë e përfaqësueses së Kosovës si kurrë më parë treguan një lojë të bukur dhe me këtë rast kënaqën shikuesit e pranishëm në Pallatin e Rinisë dhe Sporteve në Prishtinë.
Me një lojë të bukur dhe paraqitje fantastike pjesa e parë përfundoi me njëzet pikë epërsi 40:20.
Por, në pjesën e dytë mysafirët u angazhuan më tepër dhe zvogëluan epërsinë në dy pikë, por që nuk ishte e mjaftueshme, pasi që Kosova triumfoi me rezultat 72:68.
Takimi është i vlefshëm për parakualifikueset e botërorit “Kina 2019”, ku Kosova gjendet në grupin C sëbashku edhe me Estoninë.
E më poshtë mund t'i shikoni disa imazhe të fitores historike të Kosovës të bëra nga fotografi, Ridvan Slivova. /Telegrafi/
