E plotësuar- Në këto momente në mbledhjen e Kryesisë së Vetëvendosej ka arritur edhe shefi i Grupit Parlamentar, Glauk Konjufca.
Konjufca ka arritur gjysmë ore më vonesë, pasi që mbledhja ka filluar në orën 15:00. /Telegrafi/
.............................
Pas dorëheqjeve të shumta që kanë përfshirë Lëvizjen Vetëvendosje, javëve të fundit, ky subjekt sot do të mbajë mbledhje të Kryesisë.
Tashmë veç kanë filluar të arrijnë anëtarët e kryesisë së VV-së, kurse përpos Albulena Haxhiut nuk janë parë zyrtarët e tjerë të dorëhequr nga pozitat drejtuese brenda këtij subjekti, raporton Telegrafi.
Deri më tani janë parë duke hyrë brenda selisë së VV-së: Ismajl Kurteshi, Sami Kurteshi, Hydajet Hiseni, Albulena Haxhiu, Dukagjin Gorani, Fatmire Mulhaxha-Kollçaku, Rexhep Selimi etj.
Në këtë mbledhje ka arritur edhe kandidati i vetëm zyrtar deri më tash për kryetar të VV-së, Albin Kurti, dhe kryetari i Prishtinës, Shpend Ahmeti.
Mbledhja është paraparë të nis në orën 15:00, ku pritet të diskutohet për dorëheqjet e fundit. /Telegrafi/
