Filipçe: Nga 1 nëntori do të rritet kuota për mjekët amë

“Kapitacioni i mjekëve amë do të rritet prej 1 nëntorit, që do të thotë se do t’ju del në ndihmë për tejkalim e problemeve para se gjithash financiare, duke pasur parasysh se ky kapitacion nuk është ndryshuar si shumë disa vite me radhë”.

Këtë e theksoi sot ministri i Shëndetësisë Venko Filipçe, i cili shtoi se kalkulimet e sakta për atë se sa do të rritet kapitacioni do të jepen gjatë muajve të ardhshëm, përcjell Telegrafi Maqedoni.

“Rritja e do të jetë me rëndësi në kuptimin e tejkalimit të problemeve që ata ballafaqohen, siç janë sigurimi i kuadrit mjekësor, për të cilin ata ndajnë shumë të caktuar të parave”, tha Filipçe.

Ai tha se në lidhje me largimin e kuadrit, do të vazhdojnë me politikat e tyre për investime në kapitalin njerëzor, duke shtuar se do të vazhdojë rritja e pagave dhe kujdestarisë për punëtorët shëndetësor.

“Në këtë moment bëhen llogaritje se sa mjete nga buxheti qendror duhet të miratohen për rritjen e rrogave për mjekët specialist, me qëllim që sipas premtimit të qeverisë vitin e ardhshëm të arrijnë deri 100 mijë denarë”, tha Filipçe.

Ai tha se nuk do të harrohen motrat medicinale dhe personeli i mesëm./Telegrafi/